[SEARCH HOME] | [CONTENTS] | [기독교강요 라틴어-영어 문장별 대조본] | [원문칼빈전집안드로이드앱]

IOANNIS CALVINI OPERA QUAE SUPERSUNT OMNIA
volume column dictionary *for dictionary, click or touch the word
[Pre] [Next] [Original Text Jpg]


9:873  873  CONCIO  ACADEMICA  NOMINE  RECTORIS  UNIVERSITATIS  PARISIENSIS  NICOLAI  COPI  SCRIPTA  ET  RECITATA  CAL.  NOV.  1533.  Magna  quaedam  res  est  ac  longe  praestantior,  quam  dici  aut  animo  et  cogitatione  comprehendi  possit,  christiana  philosophia.  Uni  haec  homini  divinitus  a  Christo  data  est  quae  voram  et  certissimam  felicitatem  explicaret.  Hac  una  nos  esse  Dei  filios  intelligimus  et  credimus:  haec  suo  splendore  et  praestantia  universam  mundi  sapientiam  obscuravit.  Hac  qui  excellunt  tantum  prope  reliquae  hominum  multitudini  praestare  mihi  videntur,  quantum  homines  beluis  antecellunt.  Nimirum  quum  hi  maiora  longe  et  praestantiora  quam  reliqui  mente  complectantur.  Admirabile  enim  et  sanctum  genus  illud  philosophiae  esse  oportet,  quod  ut  hominibus  traderet  Deus  homo  fieri  voluit,  quum  immortalis  esset,  mortalis.  Vere  profecto  hoc  mihi  videor  esse  dicturus,  nulla  re  magis  amorem  Dei  erga  nos  innotescere  posse  quam  quod  verbum  suum  nobis  reliquerit.  Quae  enim  aut  propior  aut  certior  cognatio  1)  esse  potuerit?  Quod  si  reliquas  artes,  disserendi  artem,  naturae  scientiam,  atque  eam  quae  de  moribus  est  propter  utilitatem  et  miramur  et  laudamus,  quae  potest  cum  hoc  genere  philosophiae  conferri,  quod  voluntatem  Dei  omnibus  philosophis  diu  quaesitam,  nunquam  inventam,  exponit?  Quod  sola  Dei  gratia  peccata  remittit?  Spiritum  sanctum,  qui  corda  omnium  sanctificat  et  vitam  aeternam  adfert,  omnibus  Christianis  pollicetur?  Hoc  studium  qui  non  laudaverit,  haud  sane  scio  quid  laudandum  putet?  Si  enim  oblectatio  animi  requiesque  curarum  quaeritur,  quae  spectent  ad  bene  beateque  vivendum,  christiana  philosophia  abunde  suppeditat,  motus  animi  turbulentos  quasi  habenis  quibusdam  coercet.  Quum  igitur  tanta  sit  evangelii  laus  et  dignitas,  non  parum  gaudeo  mihi  datam  occasionem  illius  explicandi,  meque  in  eo  esse  magistratu   

[Pre] [Next]


Copyright ⓒ 2018 In Hyuk Lee. All rights reserved. http://blog.naver.com/isaaci