9:855  855  PRAEFATIO  IN  LIBELLUM  DE  FRANCISCO  SPIERA.  IOANNES  CALVINUS  CHRISTIANO  LECTORI  S.  D.  Quanta  sit  in  aestimandis  Dei  operibus  vel  animi  nostri  malignitas,  vel  iudicii  pravitas,  hinc  maxime  apparet,  quod  quum  tot  vindicandis  hominum  sceleribus  conspicua  subinde  exempla  edat,  ea  multi  contemptim  praetereunt,  alii  palam  rident,  alii  fortuito  accidere  opinantur,  omnes  subita  oblivione  sepeliunt.  Haec  ingratitudo,  quum  per  se  minime  sit  ferenda,  hoc  quoque  mali  secum  affert,  quod  ex  Dei  iudiciis  quem  decebat  fructum  non  percipimus.  Is  autem  est,  qui  breviter  notatur  a  propheta:  Ut  inde  iustitiam  discant  incolae  terrae  (Ies.  26,  9).  Quo  significat,  metu  perculsos,  debere  ad  Dei  timorem  vitaeque  sanctitatem  erudiri.  Huic  vitio  ut  medeantur  prophetae,  nulla  in  parte  doctrinae  magis  insistunt,  quam  ut  quas  Deus  poenas  infligit  sceleratis  ac  impiis,  nostrae  memoriae  quasi  infigant.  Verum  accedit  etiamnum  malum  deterius,  pervicacia:  quod  ne  moniti  quidem  sapimus.  Itaque  hic  tot  monitionum,  quas  passim  inculcant  prophetae,  et  in  quibus  etiam  detonandis  quodammodo  fulminant,  profectus  duntaxat  apparet,  quod  pauci  aliquantulum  tanguntur.  Tam  brutum  stuporem  ut  nobis  excutiat  Deus,  eiusmodi  interdum  prodigia  edit,  quae  nos  etiam  dormientes  aliquid  sentire  cogant.  Tale  in  Francisco  SperaJ)  non  ita  pridem  documentum  edidit  :  primum  in  Italia,  hoc  est,  summo  et  illustrissimo  totius  Europae  et  christiani  orbis  theatro:  deinde  in  ea  gente,  quae  quum  ingenii  perspicacia  maxime  alioqui  polleat,  hac  in  parte  plus  quam  stupida  est.  Nam  illic  ita  licenter  grassatur  passim  impietas,  ut  maior  pars  vel  Deum  mundi  esse  opificem  non  cogitet,  vel  iudicem  futurum  non  agnoscat.  Et  quid  mirum?  Si  Antichristus,  qui  mortiferum  suum  venenum  in  ultimos  usque  terrae  fines  sparsit,  propiore  afflatu  Italos  suos  1)  Sic  ed.  nostra  princeps.  Alibi  dicitur  Spira  vel  Spiera,  quae  postrema  forma  nominis  patria  fuit