[SEARCH HOME] | [CONTENTS] | [기독교강요 라틴어-영어 문장별 대조본] | [원문칼빈전집안드로이드앱]

IOANNIS CALVINI OPERA QUAE SUPERSUNT OMNIA
volume column dictionary *for dictionary, click or touch the word
[Pre] [Next] [Original Text Jpg]


9:851  851  PRAEFATIO  IN  BUCERI  ACTA  RATISBONENSIA  ALTEEA  ANNO  1546  INSTITUTA.  IOANNES  CALVINUS  PIO  LECTORI  S.  Quoniam  a  me  prodit  hic  liber  in  publicum,  et  absurdum  videri  posset  quod  mihi  tantum  in  opere  alieno  vel  iuris  vel  licentiae  sumpserim,  mearum  hic  partium  esse  duxi  rationes  breviter  exponere  quae  me  ad  editionem  impulerunt.  Biennium  iam  fere  praeteriit  ex  quo  instituta  Ratisbonae  fuerat  secunda  disceptatio  de  religionis  controversiis.  Illic  inter  se  colloquuti  sunt  qui  ex  utraque  parte  delecti  fuerant.  Tametsi  autem  vehementer  optabam  totum  disputationis  ordinem,  ut  habita  fuerat  vel  saltem  inchoata,  penitus  cognoscere,  quum  tamen  simul  intelligerem  ita  fuisse  compositum  ne  ad  certum  tempus  usque  acta  publicarentur,  illud  quo  stimulabar  cognoscendi  desiderium  cohibui,  donec  Lovanio  allatae  sunt  nugae  nescio  quae  illo  titulo  ornatae,  quo  plus  commendationis  haberent.  Tunc  vero  non  amplius  cessandum  putavi  quin  eximium  Christi  servum  ac  fratrem  venerandum  Martinum  Bucerum  rogarem,  ut  si  quid  haberet  his  de  rebus  conscriptum,  mihi  ne  gravaretur  privatim  legendum  dare.  Impetravi  quod  volebam,  tum  pro  amicitiae  nostrae  iure,  tum  quod  adductis  a  me  rationibus  victus  cessit.  Simul  tamen  a  me  petiit,  fateor,  ne  longius  manaret  quod  veluti  in  sinum  meum  deposuerat.  Bene  autem  successit  quod  longe  plus  quam  speraveram  consequutus  sum.  Praecipua  quae  hodie  inter  nos  agitatur  quaestio  et  unde  bona  pars  aliarum  pendet,  est  de  iustificatione  fidei.  Eam  non  modo  copiose  diligenter  et  erudite,  sicut  omnia  quae  ab  hoc  viro  proficiscuntur,  tractatam  in  hoc  scripto  et  explicatam  reperi,  sed  quaecunque  ad  hoc  argumentum  pertinent  eo  artificio  digesta,  ea  gravitate  expressa,  ea  moderatione  composita,  ut  vel  morosis  alioqui  lectoribus  satisfacere  debeant.  Tantum  mihi  dolebat,  thesaurum  hunc,  quem  mox  proferri  decuerat  in  commune  ecclesiae  bonum,  indigne  supprimi.  Aliquoties  in  mentem  venit  vel  hortari  autorem   

[Pre] [Next]


Copyright ⓒ 2018 In Hyuk Lee. All rights reserved. http://blog.naver.com/isaaci