[SEARCH HOME] | [CONTENTS] | [기독교강요 라틴어-영어 문장별 대조본] | [원문칼빈전집안드로이드앱]

IOANNIS CALVINI OPERA QUAE SUPERSUNT OMNIA
volume column dictionary *for dictionary, click or touch the word
[Pre] [Next] [Original Text Jpg]


9:847  847  PREFACE  DE  LA  SOMME  DE  MELANCHTHON  1546.  IEHAN  CALVIN  AUX  LECTEURS.  Bi  ce  livre  estoit  imprime  en  Latin,  ce  seroit  peine  superflue  a  moy  d'y  mettre  quelque  recommendation  :  et  mesme  on  me  pourroit  imputer  cela  a  presumption  et  temerite.  Veu  que  l'auteur  est  autant  cogneu  entre  les  gens  de  lettres,  qu'il  y  en  ait  auiourdhuy  nul  au  monde.  Et  selon  qu'il  est  renomme  pour  son  savoir  excellent,  il  a  bien  le  credit  de  donner  tesmoignage  aux  livres  des  autres.  Tant  s'en  faut  qu'il  ait  besoing  qu'on  recommande  les  siens.  Mais  pource  qu'il  n'est  pas  tant  cogneu  entre  ceux  de  nostre  nation  qui  n'ont  point  este  instruitz  aux  escholes,  il  a  semble  advis  expedient,  et  a  mes  freres  et  a  moy,  d'advertir  les  lecteurs  du  fruict  qu'ilz  pourront  recueillir  du  present  livre,  afin  de  les  inciter  et  leur  donner  courage  a  y  appliquer  leur  estude.  Ie  laisse  icy  a  parler  de  l'homme,  et  des  graces  singulieres  dont  il  est  orne,  pour  lesquelles  il  est  bien  digne  d'estre  honore  de  tous  ceux  qui  prisent  ce  qui  est  de  Dieu.  Ie  toucheray  seulement  du  livre.  Et  pour  en  dire  en  somme  ce  qui  en  est,  on  y  trouvera  un  brief  recueil  des  choses  qu'un  Chrestien  doit  savoir  pour  se  guider  au  chemin  de  salut.  Car  il  est  icy  declaire  que  c'est  que  nous  avons  a  cognoistre  de  Dieu  :  comment  il  le  faut  servir  :  que  c'est  qu'on  doit  tenir  de  Iesus  Christ:  pourquoy  il  nous  a  este  envoye  de  Dieu  son  Pere:  quelle  grace  nous  avons  par  son  moyen:  ou  c'est  que  nous  avons  a  fonder  l'esperance  de  nostre  salut:  comment  il  nous  convient  invoquer  Dieu:  que  c'est  que  la  vraye  Foy:  que  c'est  de  penitence:  comment  nous  devons  estre  patiens  en  adversitez,  et  ou  gist  la  consolation  des  Chrestiens  :  ou  nous  devons  chercher  l'Eglise  :  comment  elle  se  doit  gouverner  et  quelz  en  sont  les  vrays  prelatz:  dequoy  nous  servent  les  sacremens,  et  en  quelle  sorte  nous  en  devons  user:  quel  est  le  devoir  que  nous  avons  l'un  a  l'autre,  tant  a  noz  superieurs,  qu'a  noz  subietz  et  a  noz  semblables.   

[Pre] [Next]


Copyright ⓒ 2018 In Hyuk Lee. All rights reserved. http://blog.naver.com/isaaci