9:841  841  FRAGMENTUM  PRAEFATIONIS  NOvAE  ALTCUI  INSTITUTIONIS  EDITIONI  DESTINATAE.  Certe  si  laborem  hunc  meum  bonis  esse  non  ingratum  audiero,  non  modo  me  optime  operam  putabo  collocasse,  sed  summam  quoque  voti  mei  fuero  consequutus.  Quid  enim  tota  vita  contendere  nos  magis  decet,  quam  ut  omnia  nostra  officia  Christi  membris,  adeoque  ipsi  Christo  in  suis  membris  approbemus.  Itaque  quum  mihi  nuper  nunciatum  esset,  quosdam,  qui  haberi  eo  loco  merentur,  ex  proxima  Institutionis  meae  editione  nonnihil  concepisse  offensionis,  quod  in  eucharistiae  tractatione  visus  fuerim,  et  contentiones,  quae  de  praesentia  corporis  et  sanguinis  Domini  in  coena  hoc  tempore  exstiterunt,  iam  magna  ex  parte  sopitas  rursum  excitare,  et  fideles  Domini  servos  oblique  perstringere,  ac  si  localem  illic  Christoque  indignam  praesentiam  statuerent,  non  leviter  me  eiusmodi  nuncius  affecit.  Atque  eo  quidem  mihi  magis  doluit  quod  his  nominibus  offenderentur.  Nam  quum  ipsum  per  se  offensionis  malum  grave  est,  tum  vero  nihil  est  a  quo  magis  alienus  videri  cupiam,  quam  ab  omni  rixandi  ac  tumultuandi  cupiditate.  Nec  sane  ullum  est  contentionis  genus  quod  magis  horream,  quam  illud  ipsum  quod  me  renovasse  putant,  quum  sciam  tanto  pietatis  damno  exagitatam  nimis  diu  fuisse.  Atqui  habere  me  non  dubito,  quo  illorum  animos  placare  queam,  si  modo  aequam  satisfactionem,  quod  facturos  spero,  accipere  sustineant.  Primum  id  deprecabor,  ne  initam  inter  germanicas  ecclesias  concordiam  interpellare  me  voluisse  credant,  quam  mihi  decretum  est  non  minus  constanter  ad  extremum  tueri,  quam  libenter  amplexus  sum.  Quod  satis  luculento  testimonio  declarasse  in  illo  opere  mihi  videor.  Quae  enim  ad  veram  corporis  et  sanguinis  Domini  communicationem,  quam  in  coena  percipiunt  fideles,  asserendam  pertinebant,  ea  breviter  quidem,  sed  tamen  non  obscure  illic  sunt  explicata.  Fateor  enim,  1)  quod  et  semper  in  1)  Quae  hinc  sequuntur  usque  ad  verba:  virtutem  quoque