9:831  831  PRAEFATIO  IN  CHRYSOSTOMI  HOMILIAS.  Quia  inusitatum  adhuc  est  hoc  lucubrationis  genus  quod  nunc  in  publicum  edo,  videor  mihi  operae  pretium  facturus,  si  consilii  mei  rationem  breviter  exponam.  Video  enim,  quod  in  rebus  novis  evenire  fere  solet,  quosdam  non  defuturos  qui  laborem  hunc  meum  non  modo  supervacuum  contemnant,  sed  etiam  ut  parum  utilem  ecclesiae  repudiandum  prorsus  censeant.  Quos  tamen  ipsos  non  diffido  propitios  mihi  fore,  si  meis  rationibus  intendere  paulisper  animum  sustineant.  Scimus  quales  initio  clamores  excitati  sint  ab  imperitis  quum  evangelium  vulgo  legendum  proponeretur.  Indignum  enim  facinus  esse  putabant  plebeiis  hominibus  promulgari  Dei  mysteria  quae  tam  diu  apud  sacerdotes  et  monachos  suppressa  fuerant.  Neque  enim  videbatur  aliud  id  esse  quam  sacrarium  Dei  sublata  omni  reverentia  profanari.  Atqui  inter  eos  quoque,  quibus  id  tantopere  displicebat,  videmus  nunc  omnes  eiusmodi  querimonias  in  gratulationes  conversas  esse.  Apparuit  enim  supremo  salutis  suae  thesauro  spoliatum  fuisse  Dei  populum,  quum  in  paucorum  hominum  bibliothecis  scriptura  delitesceret,  a  multitudine  non  attingeretur.  Nunc  ergo  nemo  qui  vel  pietatis  micam  habeat  non  recognoscit,  singulari  Dei  benignitate  factum  esse,  ut  sacrosanctum  Dei  verbum  universae  ecclesiae  redderetur.  Sic  enim  sol  iustitiae  Christus  suis  affulsit,  quo  tum  vere  demum  fruimur,  ubi  perspecta  eius  virtute  ipsum,  ut  nobis  offertur  per  evangelium  a  Deo  patre,  amplectimur.  Atqui  memoria  tenent,  qui  statum  orbis  per  aetatem  ante  annos  viginti  videre  potuerunt,  in  maiori  hominum  multitudine  nihil  fere  reliquum  fuisse  Christi  praeter  nomen:  memoriam  virtutis  eius  et  raram  et  exiguam  exstitisse.  Haec  calamitas,  quae  est  omnium  extrema,  non  aliunde  certe  acciderat,  quam  quod  plebs  scripturae  lectionem  sacerdotibus  ac  monachis  relegaverat,  tanquam  nihil  ad  se  pertinentem,  quum  sit  commune  omnibus  filiis  Deil).  Quam  ob  rem  est  1)  Haec  verba  ipse  autor  linea  inducta  canceflavit.