9:787  787  PRAEFATIONES  BIBLIIS  GALLICIS  PETRI  ROBERTI  OLIYETANI,  NEOCOMI  1535  IMPRESSIS,  PRAEMISSA.  IOANNES  CALVINUS  CAESARIBUS,  REGIBUS,  PRINCIPIBUS,  GENTIBUSQUE  OMNIBUS  CHRISTI  IMPERIO  SUBDITIS  SALUTEM.  Privilegia  novis  libris  impetrari  nec  abs  re  olim,  nec  sine  publico  bono  constitutum  fuit:  atque  utinam  nullus  hodie  liber  exiret  non  suo  privilegio  ornatus:  modo  ne  id  esset  vel  gratia  elicitum,  vel  pecunia  redemptum  Principis  beneficium,  quo  temere  commendaretur  ad  typographi  quaestum:  sed  grave  pressumque  testimonium,  quo  luce  et  hominum  oculis  dignus  ex  vero  pronunciare  tur.  Hoc  enim  remedio  decebat  coerceri  furiosam  istam  scripturientium  libidinem,  quae  tot  librorum  examina  nullo  modo,  nullo  delectu,  nullo  pudore,  subinde  nobis  parit.  Adeo  urit  non  paucos  stolida  nominis  cupiditas,  ut  malint  quovis  facinore  utcunque  innotescere,  quam  bene  latere.  Nunc  immodica  sua  facilitate  pessime  consulunt  reipublicae  Principes,  quinon  modo  bonos  malos  libros  edi  permittunt,  sed  pessimos  quosque  suo  suffragio  comprobant.  Hoc  vero  sacrum  opus,  quod  nec  nuper  natum  est,  nec  ab  homine  profectum,  ideo  hominum  testimonio  minime  indigere  visum  est.  Et  sane  iniquissime  comparatum  esset,  si  talibus  elogiis  opus  haberet,  quorum  sordibus  nihil  aliud  quam  foedaretur  eius  dignitas.  Oraculum  ergo  et  aeterna  veritas  summi  regis,  coeli  terrae  malisque  domini,  regumque  regis,  diploma  est  privilegii,  quod  nobis  magnifice  splendideque  ipsum  commendat:  quod  summa  veneratione  ab  omnibus  gentibus  aetatibus  ordinibus  publice  ac  privatim  excipi  iubet.  En  edictum,  cui  omnes  ad  unum  obsequentes  esse  conveniat.  Sed  impiae  quorundam  voces  audiuntur,  clamitantium  rem  esse  indignam,  vulgari  haec  simplici  plebeculae  mysteria:  in  quibus  qui  totam  aetatem  detriverunt,  magnis  alioqui  et  ingenii  et  doctrinae  praesidiis  adiuti,  in  medio  tamen  stadio  saepius  defecerunt:  pauci  aut  forte  omnino  nulli  reperti,  qui  ultimam  lineam  attigerint.  Quid,  inquiunt,  prae  istis  assequi  possunt  miseri  idiotae  omnium  bonarum  artium  rudes,  et  (si  usus  quaeritur)  rerum  omnium  imperiti?  Verum  quum  Dominus  e  pastorum  caulis  prophetas,  e  piscatorum  naviculis  apostolos  sibi  coaptarit,  cur  non  et  nunc  similes  discipulos  dignetur?