9:731  CONFESSION  DE  FOI  DES  EGLISES  DE  FRANCE.  O  LES  POvRES  FIDELES  QUI  SONT  INIUSTEMENT  DIFFAMEZ  ET  AFFLIGEZ  PAR  LE  ROYAUME  DE  FRANCE  A  CAUSE  QU'ILS  DESIRENT  DE  SERVIR  PUREMENT  A  DIEU,  SANS  SE  POLLUER  AUX  SUPERSTITIONS  DE  LA  PAPAUTE,  A  TOUS  CEUX  QUI  LEUR  VOUDRONT  PRESTER  AUDIENCE.  Combien  que  nous  scacluom  et  que  desia  de  long  temps  nous  ayons  eu  les  oreilles  tant  et  plus  batues  des  blasmes  qu'*  nous  sont  mis  sus  par  nos  ennemis  et  trottent  en  leurs  bouches  pour  nous  diffamer  par  tout:  toutesfois  pour  ee  que  d'autre  coste  nous  sommes  advertis  que  nostre  condition  est  telle,  de  cheminer  par  opprobres,  et  estre  calumnier  en  bien  faisant,  et  que  Dieu  par  ce  moyen  veut  exercer  nostre  patience,  s'il  n'estoit  question  que  de  nostre  honneur  et  reputation,  nous  aimerions  mieux  nous  taire  et  souffrir  paisiblement  toutes  les  iniures  du  monde,  que  d'entrer  en  nulle  defense.  Attendu  mesme  qu'il  nous  est  bon  et  utile  d'estre  sollicite^  par  la  malice  et  ingratitude  des  hommes,  a  regarder  en  liant,  ou  nostre  salaire  nous  est  assure.  Et  de  faict,  nous  n'ignorons  pas  que  Dieu  a  impose  ceste  loy  a  son  Eglise  pour  tous  temps,  c'est  que  ceux  qui  esperent  en  luy,  non  seulement  soyent  molestez,  mais  aussi  condamnez  avec  ignominie:  et  ne  sommes  pas  meilleurs  que  les  Apostres,  qui  ont  este  tenus  comme  les  superfluites  et  ordures  du  monde.  Parquoy  c'est  bien  raison  que  nous  baissions  la  teste,  pour  nous  confermer  a  leur  exemple.  Qui  plus  est,^  puis  que  les  Peres  sous  la  Loy  ont  desia  commence  de  porter  les  vituperes  de  Iesus  Christ  devant  qu'il  eust  este  crucifie,  comme  l'Apostre  en  propose  le  miroir  en  Moyse,  il  ne  nous  faut  pas  estre  si  delicats  que  nous  ne  soyons  prests  d'estre  configuret  a  celuy  qui  s'estant  aneanti  pour  nous,  est  ressuscite  en  gloire  afin  de  nous  monstrer  en  sa  personne  que  tout  ce  que  nous  endurerons  pour  le  tesmoignage  de  son  Evangile  nous  sera  converti  en  ioye  felicite  et  triumphe.  Parquoy  suyvant  l'admonition  1)  Pour  les  details  historiques  et  Utteraires  nous  renvoyons  aux  Proiegomenes.