9:721 721 CONFESSION DES ESCHOLIERS. Formulaire de confession de Foj^ que les escholiers auront a faire et soubscrire entre les mains du Recteur. Ie proteste de vouloir suyvre et tenir la doctrine de foy telle qu'elle est contenue au Catechisme de ceste Eglise et de m'assubiectir aussi a la discipline laquelle y est establie, et de n'adherer ou consentir a nulles sectes qui soyent pour troubler la paix et union que Dieu a ici mise selon sa parolle. Et a fin de mieulx specifier, et fermer la porte a tous subterfuges, Ie confesse qu'il y a un seul Dieu auquel il nous fault tenir, pour le servir, adorer, et y avoir nostre fiance et refuge. Et combien qu'il soyt d'une simple essence, toutesfois il ne laisse pas d'estre distingue en trois personnes. Et deteste toutes les heresies qui ont este condamnees tant au premier concile de Nice, qu'au premier aussi d'Ephese, et en celuy de Chalcedone. 1tem tous les erreurs qui ont este renouvelez par Servet et ses complices : me contentant de ceste simplicite, qu'en l'essence unique de Dieu il y a le Pere qui a engendre de toute eternite sa Parolle et a aussi tousiours eu son Esprit: et que chascune personne a tellement sa propriete que la divinite demeure tousiours en son entier. Ie confesse aussi que Dieu a cree non seulement le monde visible, a scavoir le ciel et la terre et tout ce qui y est contenu, mais aussi les esprits invisibles: dont les uns ont persiste enson obeissance, et les autres de leur propre malice sont trebuchez en perdition: mais que la perseverance qui a este es Anges est venue de l'election gratuite de Dieu qui a continue son amour et sa bonte envers euix, en leur donnant fermete immuable de persister tousiours en bien. Parquoy ie deteste Terreur des Manicheens, qui ont imagine que le diable estoit mauvais de nature, et mesme avoit son origine et principe de soymesme. Ie confesse que Dieu a tellement cree le monde une fois qu'il en est tousiours gouverneur : tellement Calvini opera. Vol IX.