9:890  Les  uns  sont  froidz,  adonnes  a  leurs  negoces,  ne  se  socians  gueres  du  public.  Les  autres  sont  adonnes  a  leurs  passions.  Les  autres,  quand  Dieu  leur  aura  donne  esprit  de  prudence,  ne  lemploieront  pas.  Les  autres  sont  adonnes  a  leurs  opinions,  voulans  estre  creuz  aparoistre  et  estre  en  credit  et  reputation.  Que  les  vieux  ne  portent  point  denvie  aux  ieunes  des  graces  quilz  auront  receues,  mais  quilz  en  soyent  aises  et  louent  Dieu  qui  les  y  a  mises.  Que  les  ieunes  se  contiennent  en  modestie  sans  se  vouloir  trop  avancer:  car  il  y  a  tousiours  de  la  venterie  en  ieunesse  qui  ne  se  peult  tenir  de  savancer1)  en  mesprisant  les  autres.  Quon  ne  se  decorage  point  et  quon  ne  sempesche  point  les  uns  les  autres  et  quon  ne  se  rende  point  odieux.  Car  quand  on  est  pique  on  se  debauche.  Et  que  pour  eviter  ces  inconveniens  chascun  chemine  selon  son  degre  et  quil  employe  fidellement  ce  que  Dieu  luy  a  donne  pour  maintenir  ceste  Republique.  Quant  aux  proces  civilz  ou  criminelz  quon  reiette  toutte  faveur  hayne  traverses  recommandations  et  quon  renonce  a  soy  tenant  droiture  et  egualite.  Et  si  on  est  tente  de  desvier  quon  resiste  et  sovt  constant  regardant  a  celuy  qui  nous  a  establis,  le  priant  de  nous  conduire  par  son  sainct  esprit  et  il  ne  nous  defaudra  point.  Finalement  apres  avoir  derechef  prie  destre  tenu  pour  excuse  et  suporte  en  ses  infirmites  lesquelles  il  ne  veult  pas  nier,  car  puis  que  Dieu  et  ses  anges  les  scavent  il  na  pas  honte  de  les  confesser2)  devant  les  hommes,  prenant  en  gre  son  petit  labeur  il  a  prie  ce  bon  Dieu  quil  nous  conduise  et  gouverne  tousiours  et  augmente  ses  gracea  sur  nous  et  les  fasse  valoir  a  nostre  salut  et  de  tout  ce  paovre  peuple.  1)  et  s'avance  B.  2)  ne  veut  pas  les  nier  B.