9:861  861  PRAEFATIONES.  862  meum  elevans,  quando  me  ipsa  damnat  conscientia?  Miti  certe  in  hoc  Buceri  patrocinio  acquiescere  tutum  est.  Quam  vero  semper  honorifice  de  me  loquutus  sit  ac  scripserit,  pudore  impedior  referre.  Tantum  abest  ut  Balduini  ineptias  imitari  libeat,  qui  literas  blandis  assentationibus  a  Philippo  Melancthone  elicitas,  quales  ignotissimis  quibusque  scribere  solebat  vir  ille,  magnifice  iactat.  Dictum  hoc  frequenter  habuit  in  ore,  quia  passim  invaluit  usus,  ut  doctissimi  clarissimi  ornatissimi  vocentur  qui  infra  mediocritatem  subsidunt,  se  in  his  titulis  esse  liberalem,  et  vero  nomen  viri  boni  non  ita  prostituere.  Quid  si  me  non  modo  reverendum,  sed  optimum  virum  in  literis  suis  vocavit?  Sed  facessant  istae  nugae.  Meae  superbiae  atque  etiam  tyrannidis  exemplum  memorabile  adducit  Balduinus,  quod  implacabili  fere  saevitia  invectus  contra  quendam  amicum  meum  fuerim,  quod  tantum  ex  publicis  ecclesiae  precibus  vocem  unam  litura  induci  optasset,  ubi  foedus  novum  dicitur  veteri  longe  praestantius.  Atqui  actis  tam  consistorii  quam  senatus  refelletur  crassum  mendacium.  Ille  enim  temere  ac  inscite