9:853  853  PRAEFATIONES.  854  pensis  non  fateatur,  huc  fideliter  incubuisse  Bucerum  ne  quid  ad  piam  conciliationem  deesset.  Duo  enim  vitia,  quae  plurimum  obesse  solent  in  disputando,  sedulo  cavit,  ne  vel  ostentationi  serviret  vel  contentione  abriperetur.  Reperient,  inquam,  lectores  quae  vir  prudens,  et  in  pietatis  doctrina  non  leviter  exercitatus,  pertinere  ad  rem  censuit,  ea  solide  magis  quam  ambitiose  persequutum,  et  ita  fuisse  ad  concertationem  instructum,  ut  meditationes  hic  ediderit  sedatae  mentis  ac  nullo  fervore  concitatam  Utinam  vero  qui  nobis  sunt  valde  infensi  tam  composito  animo  haec  legere  sustinerent.  Satis  notum  est  quam  odiose  hanc  doctrinae  nostrae  partem  exagitent,  qui  totam  doctrinam  nostram  oppugnant.  Et  tamen  certo  scimus,  nihil  nos  tradere  quod  non  sit  firmis  certi  sque  scripturae  testimoniis  consignatum.  Non  hic  coniecturas  nostras  afferimus,  non  ludimus  argutiis,  non  excogitamus  ingeniosos  colores  quibus  probabile  quod  dicimus  appareat  :  sed  simpliciter  confitemur  apud  homines  quod  nobis  dictat  ipsum  Dei  iudicium,  quoties  ad  eius  tribunal  citantur  nostrae  conscientiae.  Quod  si  se  ad  eiusmodi  examen  revocarent,  qui  tam  hostiliter  nunc  in  nos  invehuntur,  compesceret  profecto  ac  domaret  eorum  ferociam  idem  ille  sensus  qui  nos  itit  loqui  cogit.  Quoniam  autem  multi  dudum  in  hac  arena,  quod  minime  decebat,  exercent  si  quid  habent  ingenii,  ut  quae  puris  scripturae  fontibus  hausta  proferre  studuimus  variis  calumniis  depravent  ac  detorqueant,  quibus  sanctae  et  non  fucatae  concordiae  studium  est,  hoc  saltem  a  se  impetrari  sinant,  ut  ingenua  causae  nostrae  explicatio  locum  habeat,  quae  minime  ingenuis  adversariorum  cavillis  obruitur.