9:848  Voila  en  quoy  l'homme  Chrestien  se  doit  exercer  toute  sa  vie,  s'il  veut  employer  son  temps  a  une  doctrine  profitable.  Or  tout  cela  est  contenu  en  ce  present  livre,  et  deduit  de  telle  sorte  que  les  grans  et  les  petis  y  pourront  prendre  bonne  instruction  et  utilite,  moyennant  qu'ilz  y  viennent  avec  un  bon  desir  de  profiter.  Et  de  faict,  ce  qui  est  bien  a  priser,  ie  voy  que  l'auteur,  estant  homme  de  profond  savoir,  n'a  pas  voulu  entrer  en  disputes  subtiles,*ne  traiter  les  matieres  d'un  artifice  tant  haut  qu'il  luy  eut  este  facile  de  faire,  mais  s'est  abaisse  tant  qu'il  a  peu,  n'ayant  esgard  qu'a  la  seule  edification.  C'est  certes  la  facon  et  le  style  que  nous  aurions  tous  a  tenir:  sinon  que  les  adversaires  nous  contraignissent  par  leurs  cavillations  a  nous  destourner  de  ce  train.  Tant  y  a  que  la  plus  grande  simplicite  est  la  plus  grande  vertu-  a  traicter  la  doctrine  Chrestienne.  C'est  aussi  la  cause  pourquoy  ii  s'est  deporte  d'esplucher  aucuns  poinctz  iusqu'au  bout,  pour  en  resoudre  ce  que  beaucoup  en  requeroyent.  Car  il  s'est  contente  d'en  dire  ce  qu'il  iugeoit  estre  necessaire  pour  le  salut  des  hommes,  laissant  comme  en  suspens  ou  omettant  ce  dont  l'ignorance  ou  la  doubte  n'est  point  perilleuse.  Comme  de  la  matiere  du  franc  arbitre:  ie  say  bien  qu'il  n'en  baille  point  pleine  resolution  pour  satisfaire  a  tout  le  monde.  Car  il  semble  advis  qu'il  reserve  quelque  chose  a  l'homme.  La  raison  est  qu'ayant  demonstre  le  principal  il  aime  mieux  superseder,  que  debattre  des  choses  qui  ne  luy  semblent  pas  estre  tant  requises  au  salut  des  Chrestiens.  Il  a  cela  pour  resolu  que  l'entendement  humain  est  aveugle:  tellement  que  nostre  raison  ne  nous  peut  pas  conduire  a  Dieu  ny  a  sa  cognoissance,  iusque  a  ce  que  Dieu  nous  ait  illumine  par  la  grace  de  son  S.  Esprit.  Item,  que  la  volunte  de  soy  est  perverse  et  vitieuse  :  tellement  qu'il  n'en  peut  sortir  qu'affections  mauvaises,  rebelles  a  Dieu  et  a  sa  iustice,  et  qui  par  consequent  luy  sont  deplaisantes,  iusque  a  ce