9:840  luy  aussi  a  eu  la  responce  en  telle  forme  de  mot  a  mot.  Ce  qui  nous  a  meuz  de  faire  imprimer  l'un  et  l'autre  a  este  premierement  pour  representer,  comme  en  un  miroir,  que  c'est  d'un  homme  abandonne  de  Dieu  comme  Caroly.  Car  il  se  monstre  en  ceste  Epistre  estre  du  tout  hors  du  sens,  et  non  seulement  desproveu  de  iugement  et  raison,  mais  forcene  en  cruaute,  qui  ne  demande  que  boire  le  sang  comme  une  beste  enraigee:  au  contraire,  afin  qu'on  puisse  recongnoistre  en  l'Epistre  de  Farel  de  quel  esprit  nous  sommes  conduitz,  nous  dy  ie,  qui  desirons  et  cherchons,  que  le  regne  de  Iesus  Christ  soit  restitue  en  son  entier,  l'Eglise  soit  remise  en  son  premier  estat.