9:833  833  PRAEFATIONES.  834  sunt  destituti,  hoc  etiam  ipso,  quod  unum  illis  ex  omnibus  restabat  carere?  Quod  si  pietatis  officium  est,  imbecillis  manum  dare,  et  eo  diligentius  eis  opitulari  quo  plura  ipsis  desunt,  videant  ne  inhumanitatis  merito  arguantur,  si  qui  hunc  meum  laborem  reprehendent,  quo  nihil  aliud  mihi  propositum  fuit  quam  ad  scripturae  sacrae  lectionem  rudibus  ac  illiteratis  viam  sternere.  Equidem  non  me  fugit  quid  hic  obiectari  mihi  queat:  Chrysostomum,  quem  vulgo  hominum  publicare  instituo,  doctis  tantum  et  literarum  peritis  lucubrationes  suas  destinasse.  At  vero,  nisi  et  titulus  et  orationis  compositio  mentitur,  quos  ad  universum  populum  sermones  habuit  hic  complexus  est.  Ita  certe  et  rerum  tractationem  et  dictionem  attemperat,  quasi  hominum  multitudinem  instituere  velit.  Proinde  frustra  quis  contendat,  eum  inter  doctos  reconditum  esse  oportere,  quum  data  opera  studuerit  esse  popularis.  Certe  haec  mihi  plus  satis  iusta  excusatio  est,  quod  causam  habeo  cum  Chrysostomo  coniunctam1),  quia  nihil  aliud  quam  cum  plebe  communico  quae  ille  plebi  nominatim  inscripsit.  Neque  id  solus  ipse  fecit.  Sed  alii  quoque  veteres  praecipuas  suas  vigilias,  quum  homilias  inscripsere,  populo  sic  dedicarunt.  Tenebant  enim  recte  illam  Pauli  regulam,  omnes  quas  servis  suis  facultates  contulit  Deus  conferri  ad  omnium  aedificationem  oportere.  Noverant  etiam,  quo  quisque  magis  sua  opera  indigeret,  eo  magis  se  illi  esse  adstrictos.  Nam  si  Paulus,  postquam  raptus  in  tertium  coelum  fuerat  ac  viderat  arcana  homini  ineffabilia,  se  tamen  adhuc  debitorem  rudibus  ac  imperitis  profitetur,  quomodo  se  illi  ea  conditione  eximerent.  Ergo  quemadmodum  illi  quod  officii  sui  erat  minime  praestitissent,  nisi  in  commune  contulissent  quod  a  Domino  acceperant,  ita  et  nos  invidi,  si  populo  Dei  non  impertimur  quod  suum  est:  et  ipse  ingratus,  nisi  oblatum  sibi  Dei  munus  prompto  animo  suscipiat.  Huc  etiam  accedit  quod  non  semper  ita  bene  nobiscum  agitur,  ut  qui  ecclesiarum  administrationi  praesunt  ita  sint  in  graeca  latinaque  lingua  exercitati  ut  veteres  illos  scriptores  sua  lingua  loquentes  audire  queant.  Quantopere  autem  referat,  ecclesiasticum  pastorem  tenere  qualis  fuerit  vetusta  ecclesiae  facies,  et  aliqua  saltem  antiquitatis  notitia  esse  praeditum,  palam  esse  existimo.  Itaque  hac  quoque  parte  fructuosus  esse  poterit  meus  iste  labor,  vel  omnium  confessione,  quia  nemo  negat  utile  esse  versari  in  hoc  scripti  genere  omnes  eos  qui  docendi  provinciam  in  christiano  populo  sustinent.  Reperientur  autem  forte  nonnulli  qui  hoc  non  consequentur  nisi  interpretationis  beneficio.  Verum  ne  1)  Simlerus  ex  apogr.  Bernensi:  communem.  Calvini  opera.  Vol  IX.