9:832  cur  saeculo  nostro  gloriemur  quo  coepit  rursum  inter  omnes  Dei  filios  publicari  thesaurus  iste,  quo  Christus  cum  omni  bonorum  opulentia  nobis  explicatur,  instrumentum  istud  quo  nobis  obsignatur  coelestis  haereditas,  sacrarium  istud  quo  numinis  sui  praesentiam  nobis  Deus  exhibet.  Verum  ut  tantopere  ffcstra  refert  doctrina  hac  salutari  non  defraudari,  qua1)  in  vitam  aeternam  animae  pascuntur,  ita,  ubi  eam  sumus  assequuti,  non  minus  necesse  est,  scire  quid  illic  quaerere  oporteat,  scopumque  aliquem  habere  ad  quem  dirigamur.  Quod  si  non  fiat  contingat  profecto  nobis  multum  diuque  sine  magno  fructu  vagari.  Ac  spiritum  quidem  Dei  non  optimum  modo  sed  unicum  esse  ducem  fateor,  quando  ne  scintilla  quidem  lucis  inest  sine  ipso  mentibus  nostris  ad  coelestis  sapientiae  perspicientiam:  simul  vero  atque  ipse  suis  radiis  affulsit,  ad  eam  ipsam  consequendam  satis  superque  comparatae  sunt  et  instructae.  Quum  tamen  Dominus  eadem,  qua  nos  per  spiritum  suum  illuminat,  benignitate  adminicula  quoque  nobis  contulerit,  quibus  voluit  studium  nostrum  in  veritatis  suae  investigatione  adiuvari,  non  est  cur  ea  vel  negligamus  quasi  supervacua,  vel  etiam  quasi  non  adeo  necessaria  minus  curemus.  Obversari  enim  animis  nostris  debet  quod  ait  Paulus,  omnia  nostra  esse,  nos  autem  Christi.  Serviant  ergo  nobis  quae  in  usum  nostrum  Dominus  destinavit.  Iam  vero,  si  aequum  est  plebem  christianam  non  spoliari  Dei  sui  verbo,  neque  deneganda  sunt  ei  instrumenta  quae  ad  veram  eius  intelligentiam  usui  sint  futura.  Artes  porro  et  disciplinas  non  habet:  quae  ut  sunt  alioqui  non  minima  subsidia,  ita  non  omnibus  conceduntur.  Superest  ergo  ut  interpretum  opera  adiuvetur,  qui  sic  in  Dei  cognitione  profecerunt,  ut  alios  quoque  manuducere  ad  eam  possint.  Cuius  enim  aequitatis  foret,  homines  literis  ac  disciplinis  eruditos  hoc  quoque  boni  habere,  eos  autem,  qui  adminiculis  eiusmodi  omnibus  1)  MS.  exhibet:  quibus.