9:822  faciatis,  sic,  inquam  vos  comparetis,  invigilantes  gregi  omnique  ratione  dantes  operam  et  elaborantes,  ut  nemo  non  ex  toto  grege  recta  cognitione  et  fide  Iesu  Christi  imbuatur  ex  puro  Dei  verbo.  Sin  minus,  stat  iam  lata  in  vos  sententia,  et  sacris  literis  tanquam  publicis  commentariis  authenticisque  tabulis  consignata,  fore  certissime  ut  animas  eorum  omnium  e  manu  vestra  repetat  Dominus  severus  iustissimusque  iudex.  Dominus  Deus  pater  luminum  sancto  suo  spiritu  velit  ignaris  omnibus  affulgere  huius  sancti  evangelii  salutari  intelligentia,  infirmos  corroborare,  caecos  illuminare,  detque  suae  veritati  regnare  in  omnibus  populis  et  nationibus,  ut  universus  mundus  nonnisi  unum  Deum  unumque  servatorem  Iesum  Christum,  unam  fidem  et  unum  evangelium  agnoscat.  Amen.  52*