9:770  seroit  contenu  en  un  pot.  Parquoy  soubs  ombre  de  sobriete  ils  prennent  licence  de  dire  ce  qui  leur  plaist.  Or  de  nostre  part  nous  confessons  que  la  facon  de  communiquer  a  Iesus  Christ  est  miraculeuse,  et  outrepasse  nos  sens,  et  n'avons  point  honte  de  [page  36]  nous  escrier  avec  sainct  Paul  (Eph.  5,  32),  que  c'est  un  grand  secret  lequel  nous  doit  ravir  en  estonnement:  mais  cela  n'empesche  point  que  nous  ne  reiettions  toutes  absurditez  contraires  a  l'Escriture  saincte,  et  aux  articles  de  nostre  Foy.  Or  nous  tenons  pour  certain  et  infallible,  combien  que  la  nature  humaine  de  nostre  Seigneur  Iesus  soit  coniointe  avec  sa  Divinite,  pour  establir  en  luy  vraye  union  de  personne;  toutesfois  qu'icelle  nature  humaine  retient  sa  qualite  et  condition,  et  ce  qui  luy  est  propre.  Tout  ainsi  doncques  que  nostre  Seigneur  Iesus  a  prins  un  corps  passible,  aussi  a  il  eu  sa  grandeur  et  mesure,  et  n'a  pas  este  infiny.  Nous  confessons  bien  quand  il  a  este  glorifie,  qu'il  a  change  de  condition,  pour  n'estre  plus  subiect  a  nulle  infirmite:  mais  si  a-il  retenu  sa  substance,  car  autrement  la  promesse  qui  nous  est  donnee  par  la  bouche  de  S.  Paul  (Phil.  3,  21)  seroit  abolie,  que  les  corps  que  nous  avons  maintenant  corruptibles  et  caduques  seront  rendus  conformes  au  corps  glorieux  de  Iesus  Christ.  Quoy  qu'il  en  soit,  nous  ne  pouvons  estre  reprins  de  cercher  Iesus  Christ  en  haut,  selon  que  nous  en  sommes  admonestez  (Col.  3,  1):  et  mesmes  suyvant  la  Preface  dont  on  a  use  de  tout  temps  en  celebrant  ce  mystere,  qu'on  les  eslevast  les  coeuKS  en  hault.  Ceux  qui  nous  accusent  que  nous  voulons  desroguer  a  la  puissance  de  Dieu,  nous  font  grand  tort:  car  il  n'est  pas  ici  question  de  ce  que  Dieu  [page  37]  peut  faire,  mais  de  ce  que  sa  Parole  porte,  outre  laquelle  nous  ne  devons  point  speculer  pour  deviner  ne  cecy  ne  cela.  Et  de  faict,  nous  n'entrons  point  en  ceste  dispute,  si  Dieu  peut  faire  que  le  corps  de  Iesus  Christ  soit  par  tout  ou  non:  mais  avec  toute  modestie  nous  demourons  en  la  doctrine  de  l'Escriture  comme  en  nos  bornes,  laquelle  porte  que  nostre  Seigneur  Iesus  a  vestu  un  corps  semblable  au  nostre  en  tout  et  par  tout  (Phil.  2,  7),  qu'il  a  converse  icy  bas  au  monde,  et  est  monte  au  ciel,  pour  descendre  et  apparoistre  de  la  au  dernier  iour,  comme  il  est  notamment  exprime,  qu'il  faut  que  les  cieux  le  comprennent  iusqu'a  ce  que  de  la  il  apparoisse  (Actes  3,  21).  Et  ce  que  l'Ange  dit  aux  disciples  doit  bien  estre  retenu:  Iesus  qui  a  este  retire  d'avec  vous  au  ciel,  viendra  ainsi  que  vous  l'avez  veu  monter  (Actes  1,  ll).  Cependant  nous  magnifions  la  puissance  de  Dieu  plus  que  ne  font  ceux  qui  nous  veulent  diffamer  de  telles  reproches:  car  nous  confessons,  quelque  distance  de  lieu  qu'il  y  ait  entre  Iesus  Christ  et  nous,  qu'il  ne  laisse  pas  de  nous,  vivifier  en  soy,  d'habiter  en  nous,  voire  et  49