9:754  CONFESSION  DE  FOY.  [page  5]  Sire,  nous  ne  doutons  point  que  depuis  ces  troubles  qui  ont  este  esmeuz  au  Royaume  de  France,  a  nostre  grand  regret,  aucuns  n'ayent  tasche  par  tous  moyens  de  rendre  nostre  cause  odieuse  a  vostre  Maieste:  et  que  vous  aussi,  tresillustres  Princes,  n'ayez  ouy  beaucoup  de  rapports  sinistres  pour  vous  animer  contre  nous.  Mais  nous  avons  tousiours  espere  et  esperons  plus  que  iamais,  qu'ayans  trouve  audience  a  faire  nos  excuses,  elles  seront  receues  quand  vous  aurez  simplement  cognu  la  verite  du  faict.  Or  est-il  ainsi  que  nous  avons  desia  par  cy  deuant  publie  beaucoup  de  declarations,  par  lesquelles  toute  la  Chrestiente  doit  estre  assez  advertie  de  nostre  innocence  et  integrite,  et  que  tant  s'en  fault  que  nous  ayons  pretendu  d'esmouvoir  quelque  sedition  contre  le  Roy  nostre  seul  souverain  Prince  et  Seigneur  apres  Dieu,  qu'au  contraire  nous  exposons  nos  vies  et  nos  biens  en  ceste  guerre,  pour  maintenir  la  superiorite  qui  luy  est  deue,  et  l'authorite  de  ses  Edicts,  comme  de  faict  sa  Maieste  n'a  point  de  plus  loyaux,  ny  obeissans  et  paisibles  subiects  que  nous  luy  sommes,  et  [page  6]  voulons  estre  iusques  a  la  fin.  Parquoy  sans  s'arrester  a  ces  choses  qui  ont  este  assez  amplement  deduites  par  cy  devant,  il  nous  suffira  de  monstrer  a  present  quelle  est  la  religion  pour  l'exercice  de  laquelle,  advoue  par  les  Edits  du  Roy,  nostre  souverain  Seigneur,  nous  avons  este  contrains  de  nous  deffendre  avec  les  armes.  Car  nous  entendons  que  les  mal-vueillans,  qui  n'ont  autre  matiere  de  mesdire  de  nous,  blasment  faussement  et  a  tort  vers  vostre  Sacree  Maieste,  Sire,  et  vers  vos  excellences,  tresillustres  Princes,  la  religion  que  nous  suyvons,  et  vous  font  accroire  plusieurs  choses  pour  vous  en  desgouster:  en  sorte  que  si  nous  n'estions  receuz  en  48