9:732  qui  nous  est  donnee,  nous  serons  tousiours  prests  et  contens  d'estre  reiette?  avec  iiostre  maistre  de  la  compagnie  des  hommes,  moyennant  que  nous  soyons  approuvez  de  celuy  qui  est  le  seul  Iuge  competant  Nous  avons,  Dieu  merci,  practique  iusqu'yci,  combien  il  est  meilleur  de  dire  avec  Isaie  que  nostre  garent  est  au  ciel,  et  sur  cela  despiter  avec  S.  Paul  tous  les  iugemens  pervers  de  la  terre,  que  de  nous  soucier  beaucoup,  ou  estre  esbranle*  par  les  bruits  qui  courent:  comme  nous  avons  monstre  iusqu'yci  que  nous  estions  endurcis  a  telle  patience.  Mais  puis  qu'il  nous  est  commande  de  procurer  le  bien,  non  seulement  devant  Dieu  mais  aussi  devant  le?  hommes,  et  que  iusqu'yci  nous  avons  experimente,  tant  quil  a  este  possible,  si  la  rage  venimeuse  des  ennemis  de  la  verite  se  pourroit  appaiser,  et  que  chacun  voit  qu'il  n'y  a  ne  fin  ne  mesure,  nous  avons  este  contraints  par  extreme  necessite  de  mettre  en  avant  nos  excuses  pour  nous  purger  envers  ceux  qui  seroyent  capables  de  les  recevoir.  Quant  a  ceux  qui  forgent  chacun  iour  de  nouveau  fausses  detractions  afin  de  nous  abysmer,  et  qui  pour  r  inimitie  qu'ils  portent  a  la  parole  de  Dieu  s'efforcent  de  mesdire  a  tors  et  a  travers,  pource  qu'il  n'y  a  nul  espoir  d'y  rien  gaigner,  il  nous  les  faut  laisser  pour  tels  qu'ils  sont,  sinon  pour  leur  clorre  la  bouche,  en  redarguant  leurs  mensonges.  Il  y  en  a  mesme  d'autres  lesquels  il  nous  convient  mespriser:  ascavoir  qui  font  semblant  de  les  croire  combien  qu'ils  soyent  asses  advertis  du  contraire.  Car  telles  gens  ne  sont  pas  dignes  qu'on  s'empesche  de  les  contenter,  ny  mesmes  qu'on  ait  esgard  a  eux:  veu  qii  estans  empunaisis  en  leurs  ydolatries,  non  seulement  s'y  plaisent  et  y  veulent  croupir  avec  une  malice  obstinee,  mais  aussi  sont  bien  aises  de  nous  ouir  degrader,  afin  d'avoir  quelque  couverture  de  leur  impiete.