9:723  723  CONFESSIONES.  724  que  rien  ne  se  fait  et  ne  peut  advenir  que  par  son  conseil  et  providence.  Et  quoy  quo  le  diable  et  les  reprouvez  machinent  de  mettre  tout  en  confusion,  mesme  que  les  fideles,  par  les  fautes  qu'ils  commettent,  pervertissent  l'ordre  de  droicture,  toutesfois  que  Dieu,  ayant  la  superiorite  souveraine  par  dessus,  convertit  le  mal  en  bien,  et  quoy  qu'il  en  soit  qu'il  dispose  tout  et  conduit  d'une  bride  secrette  et  d'une  facon  admirable,  qu'il  nous  fault  adorer  en  toute  humilite,  pource  que  nous  ne  la  comprenons  point.  Ie  confesse  aussi  que  l'homme  a  este  cree  a  l'image  de  Dieu  en  pleine  integrite  de  son  esprit,  volonte,  et  toutes  les  parties,  facultez  et  sens  de  son  ame:  que  toute  la  corruption  et  les  vices  qui  sont  en  nous,  sont  procedez  de  ce  qu'Adam  nostre  pere  s'est  aliene  de  Dieu,  par  sa  rebellion:  et  en  delaissant  la  source  de  vie  et  de  tous  biens  s'est  asservi  a  toute  misere.  Ainsi  que  nous  naissons  en  peche  originel,  et  sommes  tous  maudicts  de  Dieu  et  damnez  des  le  ventre  de  la  mere,  non  pas  seulement  par  la  faulte  d'aultruy,  mais  a  cause  de  la  malice  qui  est  en  nous,  encores  qu'elle  n'y  apparoisse  point.  Ie  confesse  aussi  que  le  peche  originel  emporte  aveuglement  d'esprit  et  perversite  de  coeur,  tellement  que  nous  sommes  despouillez  de  tout  ce  qui  appartient  a  la  vie  celeste,  et  mesme  que  tous  les  dons  naturels  sont  depravez  et  souillez  en  nous:  qui  est  cause  que  nous  ne  scaurions  avoir  nulle  bonne  pensee  ne  mouvement  a  bien  faire.  Et  deteste  ceulx  qui  nous  attribuent  quelque  franc  arbitre  pour  aspirer  a  bien,  pour  nous  preparer  a  estre  en  la  grace  de  Dieu,  ou  cooperer  comme  de  nousmesmes  a  la  vertu  qui  nous  est  donnee  par  le  sainct  Esprit.  Ie  confesse  aussi  que  par  la  bonte  inestimable  de  Dieu  Iesus  Christ  nous  a  este  donne  pour  remede,  a  fin  de  nous  ramener  de  mort  a  vie,  et  restaurer  ce  qui  estoit  decheu  en  Adam:  et  que  pour  ce  faire,  luy  qui  estoit  la  sagesse  eternelle  de  Dieu  son  pere  et  d'une  mesme  essence,  a  vestu  nostre  chair,  tellement  qu'il  a  este  faict  Dieu  et  homme  en  une  seule  personne.  Sur  quoy  ie  deteste  toutes  les  heresies  contrevenantes  a  ce  principe,  comme  de  Marcion,  Manichee,  Nestoire,  Eutyche  et  leurs  semblables.  Item  les  resveries  que  Servet  et  Schuenfeld  ont  voulu  remettre  au  dessus.  Quant  au  moyen  do  nostre  salut,  ie  confesse  que  Iesus  Christ  en  sa  mort  et  en  sa  resurrection  a  parfaict  et  accompli  tout  ce  qui  estoit  requis  a  effacer  nos  oifenses,  a  fin  de  nous  reconcilier  a  Dieu  son  pere:  et  qu'il  a  surmonte  la  mort  et  le  diable,  afin  que  nous  iouissionsdu  fruict  de  sa  victoire:  et  aussi  qu'il  a  receu  le  sainct  Esprit  en  toute  plenitude,  a  fin  d'en  distribuer  a  chascun  des  siens  selon  la  me-  Bure  que  bon  luy  semble.