9:722  Formula  confessionis  fidei  cui  se  adstringere  tenentur  omnes  studiosi  publicae  scholae  coram  rectore.  Testor  me  amplecti  ac  retinere  velle  doctrinam  fidei,  ita  ut  est  in  huius  ecclesiae  catechismo  comprehensa,  et  me  subiicere  disciplinae  in  hac  ecclesia  constitutae,  neque  adhaesurum  aut  assensurum  ullis  sectis  quibus  turbetur  pax  et  concordia  quam  Deus  hic  stabilivit  ex  verbo  suo.  Utque  ea  res  expressius  etiam  significetur,  et  omnibus  subterfugiis  aditus  praecludatur,  confiteor  unum  esse  Deum  in  quo  nos  acquiescere  oportet,  ut  eum  colamus  et  adoremus,  et  in  eo  uno  spem.  omnem  nostram  collocemus.  Quamvis  autem  is  unius  et  simplicis  sit  essentiae,  distinctus  est  nihilominus  in  tres  personas.  Quo  fit  ut  detester  omnes  haereses  damnatas  prima  synodo  Nicena,  itemque  Ephesina  et  Chalcedonensi,  una  cum  omnibus  erroribus  a  Serveto  et  ipsius  asseclis  renovatis.  Nam  in  hac  simplicitate  acquiesco,  in  unica  Dei  essentia  esse  patrem  qui  ab  aeterno  genuit  verbum  suum,  et  suum  spiritum  semper  in  sese  habuit:  et  singulas  istas  personas  ita  habere  sua  idiomata  peculiaria,  ut  deitas  integra  semper  maneat.  Item  confiteor  Deum  creasse  non  tantum  hunc  mundum  visibilem,  id  est  coelum  et  terram  et  quidquid  eis  continetur,  sed  etiam  spiritus  invisibiles:  quorum  alii  in  Dei  obedientia  perstiterunt,  alii  suapte  malitia  in  exitium  sunt  praecipitati.  Quod  autem  ilii  perseverarint,  agnosco  deberi  gratuitae  Dei  electioni,  qui  perrexit  eos  diligere  et  sua  bonitate  complecti,  hoc  illis  largiendo  ut  firmi  ac  constantes  permanerent.  Ac  proinde  exsecror  errorem  Manichaeorum,  qui  imaginati  sunt  diabolum  natura  malum  esse  et  originem  ac  principium  a  se  ipso  ducere.  Confiteor  Deum  ita  semel  creasse  mundum  ut  sit  perpetuus  eius  gubernator:  adeo  nt  nihil  fieri  46