9:720  Nous  1)  croions  que  Dieu  veult  que  le  monde  soit  gouverne  par  loix  et  pollices  afin  quil  y  ait  quelques  brides  pour  reprimer  les  appetis  desordonnez  du  monde  ec  ainsi  quil  a  establis  les  royaulmes  et  principaultez  et  tout  ce  qui  appartient  a  lestat  de  iustice2)  et  en  veult  estre  recognu  autheur,  afin  qu'a  cause  de  luy  non  seulement  on  endure  que  les  superieurs  dominent,  mais  aussi  quon  les  honore  et  prise  en  tou  be  reverence,  les  tenans  pour  ses  lieutenans  et  officiers  lesquelz  il  a  commis  pour  exercer  une  charge  legitime  et  saincte.  Nous  tenons  doncques  quil  fault  obeir  ;j)  a  leurs  loix  et  status,  paier  tributz  impostz  et  aultres  debvoirs  et  porter  le  ioug  de  subiection  dune  bonne  volunte  et  franche,  moiennant  que  lempire  souverain  de  Dieu  demeure  en  son  entier  4).  Voila,  Sire,  la  somme  de  nobtre  foy  sans  aucun  fard  ne  desguisement.  Si  nous  n'avons  desduict  par  le  menu  tous  les  poinctz  et  articles  sur  lesquelz  on  nous  taxe,  si  est  ce  qu'on  ne  nous  peult  rien  reprocher  qui  ne  deppende  de  ce  qui  est  icy  contenu  et  vous  le  trouverez  ainsi  quant  il  vous  plaira  examiner  le  tout.  Si  nous  nadherons  a  beaucoup  de  supersticions,  lesquelles  sont  du  tout  contraires  a  ce  que  nous  avons  cy  dessus  declere,  nous  esperons  que  nostre  excuse  sera  receue  de  vous  comme  raisonnable.  Vous  suppliant  de  rechef  treshumblement,  Sire,  que  comme  bon  pere  et  humain  protecteur  de  voz  obeyssans  subiect  z  davoir  pitie  de  ceuix  qui  ne  cherchent  que  de  servir  simplement  a  Dieu  en  s'acquictant  loiaulnient  de  leur  debvoir  envers  vous.  1)  II  fauldra  adiouster  en  la  un.  cest  article.  Note  de  la  main  de  Calvin.  2)  ordinem  politicum.  3)  Add.  ex  animo.  4)  Rom.  13,  1,  1.  Pet.  2,  13.