[SEARCH HOME] | [CONTENTS] | [기독교강요 라틴어-영어 문장별 대조본] | [원문칼빈전집안드로이드앱]

IOANNIS CALVINI OPERA QUAE SUPERSUNT OMNIA
volume column dictionary *for dictionary, click or touch the word
[Pre] [Next] [Original Text Jpg]


9:694  que  sa  voullunte  est  la  seulle  reigle  de  toute  iustice,  nous  confessons  que  toute  nostre  vie  doibt  estre  reiglee  aux  commandemens  de  sa  saincte  loy  en  laquelle  est  contenue  toute  perfection  de  iustice,  et  que  ne  debvons  avoir  aultre  reigle  de  bien  vivre  et  iustement,  ne  inventer  aultres  bonnes  oeuvres  pour  complaire  a  luy,  que  celles  qui  y  sont  contenues,  ainsi  qu'il  sensuyt:  Exode  XX.  Ie  suis  le  Seigneur  ton  Dieu  qui  t'ay  tire  etc.  Iv.  L'homme  en  sa  nature.  Nous  recognoissons  l'homme  en  sa  nature  estre  du  tout  aveugle,  en  tenebres  d'entendement  et  plain  de  corruption  et  perversite  de  cueur,  tellement  que  de  soy  mesme  il  n'a  aucune  puissance  de  povoir  comprendre  la  vraie  cognoissance  de  Dieu,  comme  il  appartient,  ne  de  s'adonner  a  bienfaire.  Mais  au  contraire  s'il  est  delaisse  de  Dieu  en  sa  propre  nature,  il  ne  peult  synon  demourer  en  ignorance  et  estre  abandonne  a  toute  iniquite.  Par  quoy  il  a  besoing  d'estre  illumine  de  Dieu  pour  venir  a,  la  droicte  cognoissance  de  son  salut,  et  aussi  d'estre  en  son  affection  redresse  et  reforme  a  l'obeyssance  de  la  iustice  de  Dieu.  v.  L'homme  en  soy  damne.  Puis  que  Thomme  est  naturellement  (ainsi  comme  dit  a  este)  despourvu  et  desnue  en  soy  de  toute  lumiere  de  Dieu  et  de  toute  iustice,  nous  recognoissons  qu'en  soy  mesmes  il  ne  peult  attendre  que  l'ire  et  la  malediction  de  Dieu,  et  pourtant  qu'il  doibt  chercher  autre  part  qu'en  soy  le  moyen  de  son  salut.  44*   

[Pre] [Next]


Copyright ⓒ 2018 In Hyuk Lee. All rights reserved. http://blog.naver.com/isaaci