9:688  nemo  impugnare  possit,  nisi  et  Christi  simul  Domini  verba  impugnare  velit,  veram  sane  certamque  esse  statuere  debemus.  Et  quum  nihil  sit  alioqui  in  ea  diffinitione,  quod  ulla  l)  prorsus  panis  aut  poculi  coenae  sive  mutationem,  sive  conservationem,  aut  realem  item  iuxta  ipsam  substantiam  corporis  et  sanguinis  Christi  praesentiam,  sive  penes  elementa  coenae,  sive  etiam  in  ministri  opere,  necessario  requirat,  et  in  se  nihilominus  id  totum  complectatur  quod  ad  salutem  cuiusquam  Christi  ipsius  testimonio  satis  esse  constat,  nos  etiam  pro  iis  quae  necessario  non  requiruntur  non  magnopere  laboramus:  nimirum  id  quod  Christo  Domino  satis  est,  id  nobis  quoque  satis  fore  non  dubitamus.  De  aliis  porro  coenae  dominicae  mysteriis  nihil  attinet  dicere,  quum  nulla  de  iis  controversia  habeatur,  de  hoc  vero  controverso  communionis  mysterio  iam  claram  satis  ac  dilucidam  doctrinam  tradidisse  videmur.  Neque  hic  apologiam  ullam  instituimus,  ut  vel  nostram  doctrinam  multis  confirmemus,  vel  aliorum  sententias  diversas  refellamus.  Doctrinam  duntaxat  brevi  compendio  tradere  voluimus,  quod  et  fecimus,  citra  cuiusquam  contumeliam.  Deus  Opt.  Max.  det  nobis  spiritum  concordiae  et  caritatis  propter  filium  suum  dilectum,  ut  in  illius  confessione,  sepositis  omnibus  dissidiis,  unanimiter  persistere  illique  servire  possimus.  1)  ullam?