9:687  687  DOCTRINAE  DE  COENA  BREVE  COMPENDIUM.  688  lum  coenae  dominicae  sumimus,  animis  etiam  nostris  per  fidem  in  coelum  usque  spiritu  sancto  autore  subvectis,  ipsa  nobis  corporis  et  sanguinis  Christi  perpetua  alioqui  communio,  per  ipsummet  Christum  Dominum  praesentem  praesentibus  renovetur  subinde  et  repetatur.  Elementa  autem  coenae  sunt  panis  et  poculum  ex  Christi  Domini  institutione.  Hic  vero,  si  vocem  sacramenti  partium  illius  enumeratione  explicemus,  hoc  est,  si  coenam  Domini  et  symbolum  simul  et  mysterium  communionis  corporis  et  sanguinis  Christi  esse  dicamus,  eadem  sane  erit  diffinitio:  sed  iam  aliquanto  clarior  erit  per  partium  in  sacramento  enumerationem.  Caeterum  adhuc  clarior  erit,  si  partium  in  sacramento  rursum  diffmitiones  pro  ipsis  diffinitis  ponamus,  hoc  est,  si  in  ipsa  coenae  diffinitione  pro  symbolo  symboli  diffinitionem,  pro  mysterio  item  mysterii  diffinitionem  statuamus.  Ut  videlicet  dicamus  coenam  Domini  esse  actionem  sacram  in  qua  panem  et  poculum  iuxta  Christi  institutionem  e  ministri  manibus  in  coetu  ecclesiae  sumimus,  ac  simul,  dum  id  agimus,  corpori  etiam  et  sanguini  Christi,  animis  per  fidem  in  coelum  spiritu  sancto  autore  subiectis,  communicamus.  Hic  sane  nihil  est  obscuritatis,  nihil  ambiguitatis,  et  tamen  perinde  est,  sive  ita  coenam  diffiniamus,  sive  dicamus  eam  esse  symbolum  ac  mysterium,  sive  etiam  sacramentum  communionis  corporis  et  sanguinis  Christi.  Hanc  ergo  ita  explicatam  difi&nitionem  quum