9:39  39  DEFENSIO  DOCTRINAE  DE  SACRAMENTIS.  40  mus  spiritualia,  sed  ut  etiam  sit  symbolum  aeterni  inter  nos  amoris  mutui  foederisque:  ac  ea  de  causa  turbatori  pacis  diabolo  nihil  obvenire  posse  suavius,  quam  si  sanctissimam  et  arctissimam  hanc  confoederationem  vertere  possit  in  uberem  litium,  sectarum  dissensimumque  materiam.  Eucharistiam  vocarunt  veteres  sanctam  hanc  Domini  coenam,  nimirum  a  gratiarum  actione  et  precibus  sanctis.  Quam  vero  gratae  Deo  sint  preces  oblatae  ipsi  a  discordibus,  ipse  nos  docet  in  evangelio  Dominus,  quum  iubet  tantisper  deponere  oblationem,  donec  cum  offenso  redeamus  in  gratiam.  Ne  sinamus  hic,  quaeso,  triumphare  salutis  nostrae  inimicum,  neve  exhibeamus,  obsecro,  communibus  nostris  hostibus  iucundum  nostra  pugna  spectaculum.  Quin  potius  valeant  apud  nos  omnes  ardentissima  haec  sancti  apostoli  verba:  Si  qua  igitur  consolatio  in  Christo,  si  quod  solatium  dilectimis,  si  qua  communio  spiritus,  si  qua  viscera  et  miserationes.