9:332  nis.  Atque  ut  duae  naturae  constituunt  unum  Christum,  quia  idem  Deus  et  homo  duabus  constat  naturis:  ita  tres  personae  constituunt  unicum  Deum,  quia  eius  essentia,  quae  una  est  et  simplex  constat  tribus  personis.  Ubi  de  Christo  loquitur  scriptura,  nunc  quae  propria  sunt  humanae  naturae,  nunc  quae  in  solam  deitatem  competunt,  ei  tribuit:  saepius  vero  complectitur  utramque  naturam,  et  mediatoris  personam  describit.  Itaque  prudenter  consideranda  sunt  elogia,  quae  nec  homini,  nec  Deo  seorsum  conveniunt:  sed  Deo  manifestato  in  carne  :  qualia  fere  sunt  quae  leguntur  in  Evangelio  Ioann,  a  3.  cap.  usque  ad  18.  Iam  quae  praedicantur  de  Christo,  specialem  interdum  respectum  habent  ad  alteram  naturam.  Sicuti  Christi  nomen  non  tantum  homini,  sed  Deo  in  carne  manifestato  convenit,  unctio  tamen  proprie  ad  humanitatem  refertur.  Mediator  Deus  et  homo,  vere  est  filius  Dei  secundum  utramque  naturam  ratione  unionis,  proprie  tamen  divinitatis  respectu,  quia  sermo  est  ante  saecula  ex  patrel)  genitus.  Sermo  enim  caro  factus  dicitur,  quia  carnem  induit,  ut  qui  aeternus  erat  Deus,  idem  homo  quoque  mortalis  esset:  nec  solum  ut  humanitas  templum  esset  deitatis,  sed  ut  naturis  duabus  in  unam  personam  unitis,  ille  per  quem  eramus  creati,  idem  esset  et  redemptor  noster.  Omnes  loquendi  formulas  quibus  usi  sunt  veteres  excutere,  nimis  longum  foret.  Nam  et  hoc  ineffabile  mysterium  nullis  humanis  sermonibus  proprie  et  pro  dignitate  unquam  explicabitur:  et  suum  quisque  loquendi  modum  habet,  ut  in  optimo  consensu  aliter  tamen  hic  loquatur  quam  ille.  Pie  et  recte  senserunt2)  Iustinus  et  Tertullianus,  nec  utrique  propositum  fuit  docere  aliud  quam  nos  fatemur.  Sed  quia  ille  non  tam  erat  exercitatus,  hic  vero  posterior  aspero  ubique  et  spinoso  loquendi  genere3)  utitur:  non  mirum  est  si  loquutiones  alicubi  occurrant  cavillis  obnoxiae:  quarum  tamen  facilis  est  excusatio,  modo  facessat  libido  rixandi  et  calumniandi.  1)  a  patre  Edd.  2)  censuerunt  Edd.  3)  modo  Edd.