9:119  119  SECUNDA  DEFENSIO  CONTRA  WESTPHALUM.  120  lucubrationibus  syllabam  proferat,  ubi  doceam  a  praedestinatione  exordium  fieri  debere  ad  petendam  salutis  certitudinem,  obmutescere  non  recuso.  Arcanae  electionis  mentio  obiter  a  me  facta  est,  fateor:  sed  quorsum?  An  ut  pias  mentes  vel  a  promissionis  auditu,  vel  a  signorum  intuitu  abducerem?  Atqui  nihil  maiori  curae  mihi  fuit,  quam  eas  prorsus  in  verbo  retinere.  Quid?  dum  toties  inculco  sacramentis  [pag.  170]  offerri  gratiam,  an  non  ad  petendam  inde  salutis  suae  obsignationem  eos  invito?  Tantum  dixi,  non  promiscue  in  omnibus  operari  Dei  spiritum:  sed  quemadmodum  solos  electos  in  fidem  illuminat,  sic  etiam  efficere,  ne  frustra  utantur  sacramentis.  Si  dicam  promissiones  omnibus  communes  esse,  et  communiter  omnibus  offerre  aeternam  salutem,  ut  autem  ratae  sint,  peculiari  spiritus  dono  fieri,  qui  in  electis  obsignat  oblatam  gratiam,  dicetne  Westphalus  verbum  suo  loco  moveri?  Quid  autem  ipse  quotidie  e  suggestu  ad  populum  pronunciat,  nisi  ex  auditu  esse  fidem?  sed  eos  solos  obedire,  quibus  Deus  brachium  suum  revelavit?  Hanc  vero  esse  causam,  quia  verbo  omnes  invitans,  intus  efficaciter  vocat  quos  elegit.  Cavillari  ergo  desinat  me  dubium  facere  baptismi  effectum,  ubi  ex  fonte  electionis  manare  ostendo,  quod  in  sacramentis  proficiunt,  quibus  peculiariter  datum  est.  Nam  quum  proverbio  vulgari  iactetur,  quae  subalterna  sunt  inter  se  non  pugnare,  non  ideo  negatur  inferior  sacramentis  gratiae  obsignatio,  dum  spiritus  vocatur  prius  et  interius  sigillum:  et  simul  notatur  causa,  [pag.  171]  quia  eos  Deus  elegit,  quos  adoptionis  tessera  dignatur.  Non  minus  putidum  est  ultimum  cavillum,  quo