8:83  83  DE  SCANDALIS.  84  frustra  dicit  Christus,  loquutum  se  discipulis  ne  scandalizentur  (Ioann.  16,  1).  Neque  enim  alia  de  causa  vincendis  aut  profligandis  scandalis  sumus  impares,  nisi  quia  loquentem  Christum  non  audimus.  Verum  est  sane  quod  alio  loco  dicit,  in  nocte  offendere  eos  qui  offendunt  (Ioann,  ll,  10).  Quorsum  autem  lux  evangelii,  nisi  ut  viam  monstrando  simul  etiam  scandala  oculis  subiiciat?  Atqui,  dicet  quispiam,  impedimentum  etiam  si  conspicitur,  cursum  tamen  abrumpere  non  desinet.  Ego  vero  iam  ostendi,  nisi  propria  nobis  mollities  obstet,  ad  superanda  quaevis  scandala  Christum  unum  sufficere,  quum  coelesti  sua  virtute  supra  mundum  nos  evehat.  Quod  si  scandalo,  quod  invitis  et  fugitantibus  incurrit,  tam  fortiter  est  resistendum,  minus  habebunt  excusationis,  qui  ad  scandala  ipsi  quadam  animi  pravitate  sunt  proclives.  Id  Iudaeis  accidisse  admonet  Paulus,  qui  quum  ex  professo  minime  scandalum  captarent,  quia  tamen  Dei  iustitiae,  propriam  volentes  stabilire,  non  fuerunt  subiecti,  in  Christum  impegerunt  (Rom.  10,  3):  adeoque  exitiali  naufragio  tanquam  ad  scopulum  allisi  fuerunt.  Eorum  vero  qui  oblata  scandala  libenter  arripiunt,  vel  etiam  procul  dissita  cupide  accersunt,  minime  tolerabilis  est  perversitas.  Quid  enim?  Quum  testetur  Paulus  (Phil.  3,  14)  se  anteactam  vitam  oblivisci,  ut  ad  palmam  supernae  vocationis  properet,  atque  ad  eandem  festinationem  suo  exemplo  nos  hortetur:  an  scandala  ad  cursum  [pag.  109]  retardandum  quisquam  procul  impune  conquiret?  Iam  si  in  Iudaeis  praeposterum  zelum  tam  severe  ultus  est  Deus,  quid  saturum  istis  putamus,  qui  scientes  ac  volentes  impingunt?  Imo  qui  viam  alioqui  planam  congestis  undique  scandalis  obruunt?  Praesertim  quid  sibi  veniae  reliquum  faciunt,  qui  ex  hominum  vitiis  aut  sceleribus  clypeos,  repellendo  Deo,  concinnant?1)  Nam  si  fideles  quoque  ipsi,  ne  quid  eorum  celeritatem  moretur,  alii  alios  vetantur  aspicere:  si  oculos  longe  circumferimus,  data  opera2)  quaerentes  quod  1)  Add.  sont-ils  dignes  de  iamais  obtenir  pardon?  2)  de  guet  a  pend.