7:256  [pag.  5]  magis  appositum,  nec  privatis  etiam  suis  rationibus  commodius  facere  potuit,  quam  ut  iustam  causae  actionem  in  aliud  tempus  differendo,  ius  aequum  inter  partes,  et  aequabilem  vivendi  legem  statueret.  Hoc  tamen  audito  decreto,  romanus  Pontifex  se  duas  ob  causas  non  leviter  faisse  commotum  hic  ostendit.  Nam  et  hoc  quantulumcunque,  quod  concessum  hoc  modo  Protestantibus  erat,  ut  paulisper  iniquis  praeiudiciis  sublevarentur,  nimiae  indulgentiae  corruptelam  esse  clamitat:  et  Caesarem  sibi  ius  aliquod  sumere  in  religionis  causa,  hoc  vero  indignum  illi  facinus  esse  videtur.  Bis  autem  peccasse  Caesarem,  illicitum  sibi  ius  arrogando,  conqueritur.  Primum,  quia  concilium  ausus  fuerit,  eo  inconsulto,  polliceri:  deinde,  quod  cognitionem  a  sua  persona  alienam  accipere  non  dubitaverit.  Graviter  igitur  cum  eo  expostulat  sanctissimus  pater,  quum  de  immodica  erga  Lutheranos  facilitate,  tum  de  autoritate  romanae  sedis  laesa  et  imminuta.