6:451 TRAICTE DES RELIQUES. tousiours mis peine de retirer les corps des Martyrs, afin qu'ilz ne fussent mangez des bestes et des oyseaux, et les ont ensevelis honestement: comme nous lisons et de sainct Iehan Baptiste et de sainct Estienne. Mais c'estoit en la fin les mettre1) en terre, pour les laisser la iusques au iour de la resurrection, et non pas les colloquer en veue des hommes, pour s'agenouiller devant. Iamais ceste mal heureuse pompe de les canonizer n'a este introduicte en l'Eglise, iusques a ce que tout a este perverty et comme profane: partie par la bestise des Prelatz et Pasteurs, partie par leur avarice, partie qu'ilz ne pouvoyent resister a la coustume, depuis qu'elle estoit receue; et aussi que le peuple eherchoit d'estre abuse, s'adonnant plustost a folies pueriles qu'a la vraye adoration de Dieu. Pourtant, ce qui a este mal [page 1O8J commence, et mis sus contre toute raison, devroit estre totallement abbatu, qui voudroit droictement corriger l'abus. Mais si on ne peut venir du premier coup a ceste intelligence, pour le moins que de l'un on vienne a l'autre, et qu'on ouvre les yeux pour discerner quelles sont les reliques qu'on presente. Or, cela n'est pas difficile a voir a quiconques y voudra entendre. Car entre tant de mensonges si patens, comme ie les ay produictz, ou est ce qu'on choisira une vraye relique, de laquelle on se puisse tenir certain? D'avantage, ce n'est rien de ce que i'en ay touche, au pris de ce qui en 1) afin de les mettre 1563 suw