6:450  mensonges  :  mais  comme  Madianites,  ayans  les  yeux  crevez,  se  sont  dressez  les  uns  contre  les  autres.  Comme  nous  voyons  qu'ilz  se  font  euxmesmes  la  guerre  et  se  dementent  mutuellement.  Quiconques  ne  se  voudra  point  endurcir  pour  repugner  a  toute  raison  a  son  escient,  encor  qu'il  ne  soit  pas  pleinement  instruict  que  c'est  une  idolatrie  execrable  d'adorer  relique  aucune,  quelle  qu'elle  soit,  vraye  ou  [page  105]  faulse:  neantmoins,  voyant  la  faulsete  tant  evidente,  n'aura  iamais  le  courage  d'en  baiser  une  seule;  et  quelque  devotion  qu'il  y  ayt  eu  auparavant,  il  en  sera  entierement  degouste.  Le  principal  seroit  bien,  comme  i'ay  du  commencement  dit,  d'abolir  entre  nous  Chrestiens  ceste  superstition  payenne,  de  canoniser  les  reliques,  tant  de  Iesus  Christ  que  de  ses  sainctz,  pour  en  faire  des  idoles.  Ceste  facon  de  faire  est  une  pollution  et  ordure  qu'on  ne  devroit  nullement  tolerer  en  l'Eglise.  Nous  avons  desia  remonstre  par  raisons  et  tesmoignages  de  l'Escriture,  qu'ainsi  est  Si  quelqu'un  n'est  content  de  cela,  qu'il  regarde  l'usage  des  peres  anciens,  afin  de  se  conformer  a  leurs  exemples.  Il  y  a  eu  beaucoup  de  sainctz  Patriarches,  beaucoup  de  Prophetes,  de  sainctz  Roys  et  autres  fideles  en  l'ancien  Testament.  Dieu  avoit  ordonne  plus  de  ceremonies  de  ce  temps  la  que  nous  n'en  devons  avoir.  Mesme  la  sepulture  se  devoit  faire  en  plus  grand  appareil  que  maintenant,  pour  representer  [page  106J  par  figures  la  resurrection  glorieuse,  d'autant  qu'elle  n'estoit  pas  si  clerement  revelee  de  parolle,  comme  nous  l'avons.  Lisons  nous  qu'on  ayt  tire  lors1)  les  sainctz  de  leurs  sepulcres,  pour  en  faire  des  pouppees?  Abraham  Pere  de  tous  fideles,  a  il  iamais  este  esleve?  Sara,  aussi  princesse  en  l'Eglise  de  Dieu,  a  elle  este  retiree  de  sa  fosse?  Ne  les  a  on  pas  laisse  avec  tous  les  autres  sainctz  a  repos?  Qui  plus  est,  le  corps  de  Moyse  n'a  il  pas  este  cache  par  le  vouloir  de  Dieu,  sans  que  iamais  on  l'ayt  peu  trouver?  Le  Diable  n'en  a  il  pas  debattu2)  contre  les  Anges,  comme  dit  sainct  Iude?  Pourquoy  est-ce  que  nostre  Seigneur  l'a  oste  de  la  veue  des  hommes,  et  que  le  Diable  le  y  a  voulu  remettre?  C'est  comme  chascun  confesse,  que  Dieu  a  voulu  oster  a  son  peuple  d'Israel  occasion  d'idolatrie.  Le  Diable,  au  contraire,  l'a  voulu  establir.  Mais  le  peuple  d'Israel,  dira  quelqu'un,  estoit  enclin  a  superstition.  Ie  demande  que  c'est  de  nous?  N'y  a  il  pas,  sans  comparaison,  [page  107]  plus  de  perversite  entre  les  Chrestiens  en  cest  endroict  qu'il  n'y  eut  iamais  entre  les  Iuifz?  Advisons  ce  qui  a  este  faict  en  l'Eglise  ancienne:  il  est  vray  que  les  fideles  ont  1)  tire  lors  1543  1544;  tire  hors  1563  suhu;  unquam  6r.  2)  Le  tradueteur  ajoute:  ob  eam  causam.  29