56:364  ialoux:  il  ne  pardonnera  point  a  vos  forfaits,  et  a  vos  pechez.  20.  Si  vous  delaissez  l'Eternel,  et  servez  aux  dieux  estranges,  il  se  retournera,  et  vous  traittera  mal,  et  vous  consumera,  apres  qu'il  vous  aura  bien  fait.  21.  Auquel  le  peuple  respondit,  Non:  mais  nous  servirons  a  l'Eternel.  22.  Et  Iosue  dit  au  peuple,  Vous  estes  tesmoins  contre  vous-mesmes,  que  vous  avez  esleu  pour  roy  l'Eternel,  pour  luy  servir.  Et  ils  repon  dirent,  Nous  en  sommes  tesmoins.  23.  Maintenant  donc  ostez  les  dieux  estranges  qui  sont  au  milieu  de  vous,  et  enciinez  vostre  coeur  a  l'Eternel  le  Dieu  d'Israel.  24.  Auquel  le  peuple  respondit,  Nous  servirons  a  l'Eternel  nostre  Dieu,  et  obeirons  a  sa  voix.  25.  Iosue  donc  traitta  l'alliance  en  ce  iour-la  avec  le  peuple,  et  luy  mit1)  commandement,  et  iugement  en  Sichem.  26.  Si  escrivit  ces  paroles  au  livre  de  la  Loy  de  Dieu:  aussi  il  print  une  grande  pierre,  et  l'esleva  la  sous  un  chesne  qui  estoit  au  sanctuaire  de  l'Eternel.  27.  Et  Iosue  dit  a  tout  le  peuple,  Voici  ceste  pierre  nous  sera  en  tesmoignage  :  car  elle  a  ouy  toutes  les  paroles  de  l'Eternel  qu'il  nous  a  dites:  et  elle  sera  pour  tesmoignage,  afin  que  par  adventure  ne  mentiez  contre  vostre  Dieu.  28.  Et  Iosue  laissa  aller  le  peuple,  un  chacun  a  son  heritage.  29.  Ces  choses  faites,  mourut  Iosue  fils  de  Nun,  serviteur  de  l'Eternel,  aage  de  cent  et  dix  ans.  30.  Et  l'ensevelirent  entre  les  limites  de  son  heritage,  en  Thimnath-herah,  qui  est  en  la  montagne  d'Ephraim  vers  PAquilon  du  mont  de  Gaas.  31.  Et  Israel  servit  a  l'Eternel  tous  les  iours  de  Iosue,  et  tous  les  iours  des  anciens  qui  survesquirent2)  apres  Iosue,  et  qui  avoyent  cognu  toutes  les  oeuvres  de  l'Eternel  qu'il  avoit  faites  pour  Israel.  32.  Aussi  les  os  de  Ioseph  que  les  enfans  d'Israel  avoyent  apportez  d'Egypte,  ils  les  ensevelirent  en  Sichem,  en  la  partie  du  champ  que  Iacob  avoit  achete  cent  pieces  d'argent  des  enfans  d'Hemor  pere  de  Sichem  :  et  furent  en  possession  d'heritage3)  aux  enfans  de  Ioseph.  33.  Pareillement  Eleazar  fils  d'Aaron  mourut,  et  l'ensevelirent  en  Gibeath  de  Phinees  son  fils,  qui  luy  fut  donnee  en  la  montagne  d'Ephraim.  *)  proposa  59.  2)  ont  prolongez  les  iours  O.  vesquirent  59.  3)  en  heritage  O.  46.