55:500  quem  cupimus  habere  incolumem:  neque  enim  sufficeret  innuere  digito,  vel  blande  manum  porrigere.  Sic  etiam  curanda  est  eorum  salus,  quia  ad  Deum,  nisi  duriter  tracti,  non  venirent.  Longe  differt  vetus  interpretatio:  quae  tamen  lectio  in  multis  codicibus  graecis  invenitur.  Arguite  diiudicatos,  inquit  vetus  interpres.  Sed  prior  ille  sensus  melius  congruit:  et  meo  iudicio  verus  est  ac  genuinus.  Servandi  verbum,  ad  homines  transfertur:  non  quod  autores  sint  salutis,  sed  ministri.  23.  Odio  prosequentes.  Locus  hic,  qui  obscurus  alioqui  videtur,  nihil  habebit  difficultatis,  metaphora  bene  explicata.  Yult  fideles  non  tantum  cavere  a  vitiorum  contactu:  sed  neque  ad  eos  contagio  pertingat,  quidquid  affine  est  ac  vicinum,  fugiendum  esse  admonet.  Quemadmodum  si  de  impudicitia  sermo  habetur,  dicemus  tollenda  esse  omnia  libidinum  irritamenta.  Id  etiamnum  clarius  fiet  si  impleatur  oratio:  nempe  ut  oderimus  non  carnem  modo,  sed  tunicam,  quae  eius  contactu  infecta  sit.  Nam  particula  %od,  ad  amplificationem  valet.  Malum  igitur  adeo  non  permittit  indulgentia  foveri,  ut  omnes  praeparationes,  omniaque  accessoria  (ut  vocant)  potius  resecari  iubeat.  24.  Ei  autem  qui  servare.  Claudit  epistolam,  Dei  laude:  in  qua  ostendit  nihil  posse  exhortationes  nostros,  nec  studia,  nisi  ex  Dei  virtute  effectus  proveniat.  Quaedam  exemplaria  habent  eos.  Quam  lectionem  si  recipimus,  sensus  erit:  Vestrum  quidem  est  conari  ut  salvi  fiant:  sed  Dei  solius  est  hoc  praestare.  Mihi  tamen  altera  lectio  magis  placet:  in  qua  etiam  est  allusio  ad  superiorem  sententiam.  Postquam  enim  fideles  hortatus  est  ad  servandum  quod  periit:  ut  intelligant  conatus  omnes  fore  irritos,  nisi  Deus  operetur:  ne  ipsos  quidem  aliter  servari  posse  testatur,  nisi  Dei  virtute.  Quamquam  in  hoc  posteriore  membro,  aliud  est  verbum,  cpoXaCat  scilicet,  quod  custodiam  sonat:  ita  ad  remotius  illud  membrum  respiceret,  ut  dixit:  Yos  servare,  vel  custodite.