55:375  375  EPIST.  IOHANNIS  376  undique  impetuntur  filii  Dei,  hac  (ut  diximus)  ratione  eos  ad  resistendi  constantiam  animat  atque  hortatur,  quod  sub  Dei  auspiciis  militant,  ac  certo  tenent  eius  spiritu  se  regi.  Nunc  autem  unde  notitia  illa  maxime  petenda  sit,  admonet.  Dicit  igitur  Deum  in  Christo  nobis  ita  esse  patefactum,  ut  iam  nulla  sit  haesitandi  ratio.  Non  temere  in  hanc  partem  incumbit  apostolus:  nisi  enim  solide  in  Deo  fundata  sit  fides,  nunquam  firmi  in  pugna  stabimus.  Hoc  consilio  docet  apostolus  nos  Christi  beneficio  consequutos  esse  certam  veri  Dei  notitiam,  ut  non  fluctuemus  incerti.  Ye  rum  Deum  intelligit  non  veracem,  sed  eum  qui  re  vera  Deus  est:  ut  eum  ab  idolis  omnibus  discernat.  Ita  verus  fictitio  opponitur.  Est  enim  aXvjihvoc,  non  aAyjihijc.  Quemadmodum  Iohan.  17,  3,  haec  est  vita  aeterna,  ut  te  cognoscant  verum  Deum,  et  quem  misisti  Iesum  Christum.  Christo  autem  has  partes  iure  tribuit,  ut  mentes  nostras  in  Dei  notitiam  illustret.  Nam  quum  unica  sit  invisibilis  Dei  imago,  quum  unicus  patris  interpres,  quum  unus  sit  vitae  director:  imo  vita,  lux  mundi,  et  veritas:  simul  atque  ab  eo  discessimus,  nos  in  figmentis  nostris  evanescere  necesse  est.  Dicitur  autem  Christus  nobis  intelligentiam  dedisse,  non  modo  quia  evangelii  doctrina  ostendit  quisnam  sit  verus  Deus,  et  spiritu  quoque  suo  nos  illuminat:  sed  quia  in  Christo  ipso  Deum  habemus  in  carne  manifestatum,  ut  inquit  Paulus  (Coloss.  2,9),  quandoquidem  in  eo  habitat  omnis  plenitudo  deitatis,  et  absconditi  sunt  omnes  scientiae  et  intelligentiae  thesauri.  Ita  fit  ut  conspicua  quodammodo  Dei  facies  nobis  in  Christo  reluceat.  Non  quod  nulla  fuerit  ante  Christi  adventum,  vel  dubia  Dei  cognitio  :  sed  quia  nunc  se  plenius  et  quasi  ad  liquidum  patefecit.  Atque  hoc  est  quod  dicit  Paulus  2.  ad  Corinth.  4,  6,  Deum  qui  iussit  olim  ex  tenebris  lucem  splendescere  in  creatione  mundi,  nunc  illuxisse  cordibus  nostris  per  fulgorem  cognitionis  gloriae  suae,  in  facie  Christi.  Ac  notandum  est,  solis  electis  peculiare  esse  hoc  donum.  Omnibus  quidem  promiscue  evangelii  sui  facem  Christus  accendit:  sed  non  omnibus  oculatae  sunt  mentes  ad  videndum:  quin  potius  velum  caecitatis  multis  obducit  Satan.  Lucem  ergo  apostolus  intelligit,  quam  intus  accendit  Christus  in  cordibus  suorum,  et  quae  semel  accensa  nunquam  exstinguitur,  etiamsi  in  quibusdam  ad  tempus  suffocari  interdum  contingat.  Sumus  in  vero.  Hoc  verbo  admonet  quam  efficax  sit  cognitio  illa,  cuius  meminit:  quia  scilicet  per  eam  inserimur  in  Christum,  et  unum  efficimur  cum  Deo.  Yivam  enim  radicem  habet,  ac  cordibus  penitus  infixam  :  qua  fit  ut  vivat  in  nobis  Deus,  et  nos  in  ipso.  Quoniam  sine  copula  dicit,  nos  in  vero  esse,  in  filio  eius,  videtur  modum  ex-