55:206  tamen  Christianis  quasi  fatale  est,  utcunque  pacem  quaerant,  multis  iniuriis  non  raro  vexari,  mundumque  sibi  nulla  de  causa  habere  infestum:  hortatur  ut  aequis  animis  sustineant  persequutiones,  quas  sciunt  sibi  in  salutem  cessuras.  In  eam  rem  adducit  Christi  exemplum.  Ex  adverso  admonet  quam  infelix  exitus  impios  maneat  interea  dum  ecclesiam  suam  Dominus  mirabiliter  per  mortem  a  morte  liberat.  Longius  deinde  profert  Christi  exemplum,  nempe  ad  carnis  mortificationem.  Huic  exhortationi  subnectit  varias  et  breves  sententias  :  sed  paulo  post  redit  ad  patientiae  doctrinam,  ut  consolatione  mala  sua  temperent  fideles,  dum  reputant  utile  sibi  esse  paterna  Dei  manu  castigari.  Initio  quinti  capitis,  seniores  officii  sui  admonet,  ne  imperium  usurpent  in  Ecclesiam,  sed  moderate  sub  Christo  praesint.  Iuvenibus  modestiam  ac  docilitatem  commendat.  Tandem  brevi  exhortatione  addita,  epistolam  precatione  claudit.  Unde  autem  scribat,  non  convenit  inter  omnes:  nec  tamen  causam  video  cur  dubitemus  ipsum  tum  fuisse  Babylone,  diserte  enim  hoc  affirmat.  Sed  quoniam  invaluerat  persuasio,  ipsum  Antiochia  Romam  migrasse,  et  Romae  fuisse  mortuum:  hoc  BOIO  argumento  adducti  veteres,  Babylonem  allegorice  Romam  vocari  finxerunt.  Caeterum  quum  nulla  probabili  coniectura  temere  persuasum  habuerint  quidquid  tradunt  de  romano  Petri  episcopatu:  pro  nihilo  quoque  ducendum  est  hoc  allegoriae  figmentum.  Multo  sane  verisimilius  est,  Petrum,  ut  ferebat  apostolatus  ratio,  peragrasse  eas  regiones  in  quibus  plures  habitabant  Iudaei.  Scimus  autem  Babylone  et  in  illis  partibus  magnam  fuisse  copiam.