52:335  335  EPIST.  PAULI  AD  TIMOTHEUM  I  CAPUT  VI.  336  igitur  ut  diligenter  conservet  quod  sibi  datum  est:  vel  potius  apud  se  depositum,  ne  patiatur  corrumpi  vel  adulterari:  vel  ne  ee  ipsum  privet  ac  spoliet  propria  culpa.  Saepe  enim  ingratitudo  nostra  aut  donorum  Dei  abusus  facit  ut  ipsa  nobis  auferantur.  Proinde  Timotheum  admonet  Paulus,  ut  bona  conscientia  rectoque  usu  quod  sibi  commissum  est  conservare  studeat.  Devitans  profanas.  Huc  spectat  admonitio,  ut  intentus  sit  in  solidam  doctrinam:  quod  fieri  non  potest  quin  ab  ostentatione  abhorreat.  Nam  ubi  regnat  placendi  ambitio,  nullum  amplius  viget  aedificationis  studium.  Proinde  quum  mentionem  faceret  custodiendi  depositi,  non  abs  re  hanc  cautionem  mox  adhibuit  de  fugienda  profana  garrulitate.  Porro  quod  xsvocpcoviac  vertunt  inanitates  vocum,  non  adeo  displicet,  nisi  quod  postea  ambiguitate  decepti  perperam  exponunt.  Voces  enim  accipiunt  pro  vocabulis,  ut  est  fatum,  vel  fortuna.  Ego  autem  grandiloquentiam  eorum  et  inflatam  magnis  ampullis  garrulitatem  notari  existimo,  qui  evangelii  simplicitate  non  contenti  ipsum  in  profanam  philosophiam  convertunt.  Ergo  xevocpwviac  sunt  non  in  singulis  vocibus,  sed  in  perpetua  resonantia,  quam  despumant  ambitiosi  homines,  qui  plausum  magis  captant  quam  ecclesiae  profectum.  Et  aptissime  expressit  Paulus  rem  ipsam.  Nam  quum  grande  nescio  quid  resonent,  nihil  tamen  subest:  est  igitur  inanis  tinnitus:  quem  profanum  etiam  vocat,  quoniam  exstincta  est  vis  spiritus  simulatque  doctores  ita  inflant  suas  tibias  ad  suam  eloquentiam  venditandam.  Contra  tam  claram  ac  testatam  spiritus  sancti  prohibitionem  perrupit  nihilominus  haec  pestis:  ac  statim  quidem  ab  initio  coepit  pullulare:  ita  vero  demum  grassando  obtinuit  in  papatu,  ut  adulterina  theologiae  larva,  quae  illic  regnat,  vivum  sit  speculum  profanae  istius  et  inanis  resonantiae,  cuius  meminit  Paulus.  Omitto  quod  innumeris  erroribus,  deliriis,  ac  blasphemiis  scatent  eorum  libri  ac  clamosae  illae  disputationes.  Terum  etiamsi  alias  nihil  docerent  impium:  quoniam  tamen  tota  eorum  doctrina  nihil  continet  praeter  sesquipedales  ampullas  :  quoniam  a  maiestate  scripturae,  ab  energia  spiritus,  a  prophetica  gravitate,  a  sinceritate  apostolica  prorsus  aliena  est:  eo  ipso  mera  est  genuinae  theologiae  profanatio.  Quid  enim,  obsecro,  de  fide,  aut  poenitentia,  aut  invocatione  Dei:  quid  de  hominum  imbecillitate,  spiritus  sancti  auxilio,  gratuita  peccatorum  remissione:  quid  de  officio  Christi  tractant,  quod  ad  solidam  pietatis  aedificationem  valeat?  Sed  de  his  adhuc  dicendum  erit  in  altera  epistola.  Certe  quisquis  mediocri  intelligentia  et  ingenuitate  erit  praeditus,  fatebitur  totam  magniloquentiam  papalis  theologiae,  et  omnes  quae  in  scholis  eorum  tonant  magistrales  determinationes,  nihil  esse  aliud  quam  profanas  xevocptovcac,