52:334  in  illis  locatur.  Observa  autem  esse  tacitam  antithesin,  quum  praedicat  Deum  omnibus  affatim  dare.  Sensus  enim  est,  etiamsi  plena  rerum  omnium  copia  affluamus,  nos  tamen  nihil  habere  nisi  ex  sola  Dei  benedictione:  quoniam  ea  sola  est,  quae  nobis  subministrat  quidquid  opus  est.  Unde  sequitur  valde  falli,  qui  in  divitias  recumbunt  et  non  toti  pendent  a  Dei  benedictione,  in  qua  nobis  sita  est  victus  et  rerum  omnium  sufficientia.  Hinc  etiam  colligimus,  non  ideo  tantum  a  spe  divitiarum  nos  revocari,  quia  nonnisi  ad  usum  mortalis  vitae  pertineant:  sed  etiam  quia  nihil  sint  nisi  fumus.  Neque  enim  pane  alimur  tantum,  sed  Dei  benedictione.  Quum  dicit  abunde,  elc  arcoXauacv,  significat  quam  liberalis  sit  erga  nos  Deus,  imo  erga  universos  mortales,  adeoque  bruta  animalia.  Nam  ultra  necessitatem  longe  lateque  se  diffundit  eius  beneficentia.  18.  Ut  benefaciant  Superioribus  remediis  aliud  etiam  adiungit  ad  pravos  divitum  affectus  corrigendos,  dum  praescribit  quis  legitimus  sit  bonorum  usus.  Nam  quo  quisque  plus  opibus  abundat,  eo  amplior  illi  beneficentiae  materia  suppetit.  Et  quia  semper  ad  erogandum  pigriores  sumus  quam  deceat:  pluribus  verbis  eam  virtutem  commendat.  Addit  praeterea  stimulum  ex  mercedis  promissione:  Largiendo,  inquit,  et  communicando  meliorem  sibi  thesaurum  in  coelo  comparent,  quam  habere  possint  in  terra.  F  u  n  d  a  m  e  n  t  i  nomine  stabilem  et  firmam  durationem  significat.  Neque  enim  tineis,  aut  furibus,  aut  incendiis  obnoxiae  sunt  divitiae  spirituales  quas  nobis  in  coelo  recondimus:  sed  perpetuo  manent  extra  periculum  constitutae.  Contra  autem  nihil  in  terra  vere  fundatum  est,  sed  omnia  quodammodo  fluctuant.  Porro  quod  inde  inferunt  papistae,  nos  igitur  bonis  operibus  vitam  aeternam  promereri,  nimis  frivolum  est.  Acceptum  certe  fert  Deus  quidquid  pauperibus  impensum  fuerit:  sed  quia  vix  centesima  ex  parte  officio  suo  satisfaciunt  etiam  perfectissimi,  indigna  est  nostra  benignitas  quae  in  rationem  per  se  coram  Deo  veniat.  Imo  si  ad  calculum  nos  vocaret  Deus,  nemo  erit  qui  non  conturbet.  Adeo  longe  absumus  a  plena  solutione.  Sed  postquam  nos  gratuito  sibi  conciliavit  Deus,  officia  nostra,  qualiacunque  sint,  sic  accepta  habet,  ut  indebita  mercede  dignetur.  Proinde  remuneratio  non  ex  meriti  ratione  pendet,  sed  ex  liberali  Dei  acceptione:  adeoque  fidei  iustitiae  non  repugnat,  ut  eius  sit  quasi  appendix.  20.  O  Timothee.  Tametsi  varie  exponunt  depositi  nomen,  ego  simpliciter  eo  notari  puto  gratiam,  qua  instructus  erat  Timotheus  ad  munus  suum  exsequendum.  Eadem  vero  ratione  depositum  nominatur  qua  et  talentum.  Nam  ea  lege  nobis  committit  quidquid  donorum  in  nos  confert  Deus,  ut  reddenda  sit  olim  ratio,  si  nostra  ignavia  perierit  utilitas,  quae  inde  provenire  debuerat.  Admonet