52:178  brosium  sequor,  qui  cum  proxima  sententia  contexunt.  Quamquam  neuter  eorum  explicat  Pauli  mentem:  et  forte  quid  sibi  velit,  non  prorsus  asse*  quuti  sunt.  Breviter  dicam  quod  sentio.  Primum  speciem  mali,  vel  malam,  interpretor,  quum  nondum  ita  comperta  est  doctrinae  falsitas  ut  merito  reiici  queat:  sed  tamen  aliqua  haeret  sinistra  suspicio,  et  timetur  ne  quid  veneni  lateat.  Ergo  ab  eo  genera  doctrinae,  quod  malum,  etiamsi  non  sit,  apparet,  abstinere  praecipit:  non  quod  in  totum  reiici  permittat,  sed  quia  recipi,  aut  fidem  obtinere  non  debet.  Cur  enim  prius  quod  bonum  est  teneri  iussit,  nuno  abstineri  vult  non  simpliciter  a  malo,  sed  a  mali  specie?  quia  ubi  diiudicatione  in  lucem  producta  fuerit  veritas,  tunc  demum  ei  fidem  haberi  decet.  Ubi  autem  subest  falsi  metus,  aut  mens  dubitatione  est  implicita,  pedem  referre,  vel  gradum  (ut  loquuntur)  suspendere  convenit,  ne  quid  dubia  perplexaque  conscientia  amplectamur.  In  summa,  docet  qualiter  nobis  utilis  futura  sit  prophetia  citra  periculum:  nempe  si  attenti  erimus  ad  omnia  probanda,  et  si  levitas  ac  festinatio  aberit.  23.  Ipse  autem  Deus  pacis  sanctificet  vos  totos:  et  integer  spiritus  vester,  et  anima,  et  corpus  sine  reprehensione  in  adventu  Domini  nostri  Iesu  Christi  custodiatur:  24.  fidelis  qui  vos  vocavit,  qui  et  faciei.  25.  Fratres,  orate  pro  nobis.  26.  Salutate  fratres  omnes  in  osculo  sancto.  27.  Adiuro  vos  per  Dominum  ut  legatur  epistola  omnibus  sanctis  fratribus.  28.  Gratia  Domini  nostri  Iesu  Christi  vobiscum.  Amen.  23.  Ipse  autem  Deus.  Postquam  varia  praecepta  dedit,  tandem  descendit  ad  precationem.  Et  certe  frustra  spargitur  doctrina,  nisi  eam  Deus  iu  animos  nostros  inserat.  Unde  apparet  quam  praepostere  faciant  qui  ex  Dei  praeceptis  metiuntur  hominum  vires.  Paulus  ergo  quum  sciret  inutilem  esse  omnem  doctrinam,  donec  cordibus  nostris  eam  Deus  quasi  digito  suo  insculpat,  precatur  Deum  ut  Thessalonicenses  sanctificet.  Cur  Deum  pacis  hic  nominet,  mihi  non  satis  constat:  nisi  referre  ad  superiora  libeat,  ubi  fraterni  consensus,  et  patientiae  et  aequitatis  meminit.  Scimus  autem  sub  verbo  sanctificandi  contineri  totam  hominis  renovationem.  Iam  ex  parte  quidem  renovati  erant  Thessalonicenses:  sed  optat  Paulus  ut  quod  reliquum  est  Deus  perficiat:  unde  colligimus,  tota  vita  proficiendum  esse  in  sanctitatis  studio.  Caeterum  si  Dei  officium  est  totum  hominem  reformare,  nihil  libero  arbitrio  residuum  fit.  Nam  si  nostrum  esset  Deo  cooperari,  ita  loquutus  esset  Paulus,  Sanctificationem  vestram  Deus  adiuvet,  vel  promoveat.  Quum  autenx  dicit,  sanctificet  totos,  solum  illum  facit  solidi  operis  autorem.  Et  integer  spiritus.  Hoc  expositionis  vice  ad-  12