[SEARCH HOME] | [CONTENTS] | [기독교강요 라틴어-영어 문장별 대조본] | [원문칼빈전집안드로이드앱]

IOANNIS CALVINI OPERA QUAE SUPERSUNT OMNIA
volume column dictionary *for dictionary, click or touch the word
[Pre] [Next] [Original Text Jpg]


51:240  tationem  facit  quod  haec  duo  coniungit  simul,  dilectus  frater,  et  minister  fidelis.  Prius  refertur  ad  Paulum:  ideo  de  secundo  idem  videri  queat.  Ego  tamen  de  publico  ministerio  potius  interpretor  :  quia  mihi  verisimile  esfc,  non  quemvis  hominem  a  Paulo  fuisse  missum,  sed  qui  aliquid  haberet  dignitatis  ad  movendos  sua  praesentia  Ephesios.  23.  Pax  fratribus.  Pacis  nomen  accipio,  ut  in  salutationibus,  pro  felici  rerum  successu.  Quamquam  si  quis  malit  significari  concordiam,  quia  mox  fit  dilectionis  mentio  :  neque  id  displicet.  Imo  videtur  melius  fluere  contextus.  Optat  enim  concordes  inter  se  et  tranquillos  esse  Ephesios:  quod  benevolentia  et  fidei  consensu  posse  obtineri,  statim  significat  Facit  enim  amor  ut  se  in  pace  contineant  homines  :  amorem  mutuo  conciliat  fides,  eiusque  vinculum  est.  Caeterum  ex  precatione  notandum  est,  tam  fidem  et  dilectionem,  quam  pacem  ipsam  Dei  esse  dona,  quae  nobis  per  Christum  largitur:  imo  Christum  una  cum  patre  eorum  esse  autorem.  24.  Gratia  cum  omnibus.  Sensus  est,  Deus  prosequatur  eos  omnes  favore  suo,  qui  Iesum  Christum  pura  conscientia  diligunt.  Graeca  vox,  quam  ego,  Erasmum  sequutus,  transtuli  s  i  n  c  e  r  i  t  a  t  e  m  ,  incorruptionem  sonat:  quod  propter  metaphorae  elegantiam  notandum  est,  Subindicare  enim  voluit  Paulus,  tunc  demum  omni  corruptela  fore  vacuum  cor  hominis,  si  omni  hypocrisi  vacet.  Porro  haec  precatio  vice  oraculi  habenda  est,  ut  Deum  nobis  tunc  fore  propitium  sciamus,  si  corde  sincero  diligamus  filium  eius,  in  quo  dilectionis  erga  nos  suae  testimonium  ac  pignus  nobis  exhibuit:  modo  absit  hypocrisis,  quia  maior  pars  ab  evangelii  professione  non  abhorrens,  umbratilem  sibi  Christum  fingit,  quem  fucatis  tantum  officiis  colat.  Atque  utinam  hodie  non  tam  multis  exemplis  testatum  foret,  non  frustra  in  Christi  amore  a  Paulo  requiri  sinceram  puritatem.  

[Pre] [Next]


Copyright ⓒ 2018 In Hyuk Lee. All rights reserved. http://blog.naver.com/isaaci