51:239  239  EPIST.  PAULI  AD  EPHESIOS  CAPUT  VI.  240  qui  ex  hoc  Pauli  exemplo  colligunt  mortuos  esse  invocandos.  Nam  Ephesiis  Paulus  scribebat,  quibuscum  illi  erat  ea,  quam  dixi,  communicatio.  Nos  quid  commercii  habemus  cum  mortuis?  Perinde  est  ac  si  dicerent,  vocandos  esse  ad  epulas  nostras  et  convivia  angelos,  quia  eiusmodi  officiis  fovetur  inter  homines  caritas.  21.  Ut  autem  sciatis  vos  etiam  quae  circa  me  aguntur,  quid  faciam,  omnia  vobis  patefaciet  Tychicus,  dilectus  frater  et  fidelis  minister  in  Domino:  22.  quem  misi  ad  vos  in  eum  finem  ut  statum  meum  cognosceretis,  et  consolaretur  corda  vestra.  23.  Pax  fratribus  et  dilectio  cum  fide  a  Deo  patre  et  domino  Iesu  Christo.  24.  Gratia  cum  omnibus,  qui  diligunt  dominum  nostrum  Iesum  Christum  in  sinceritate.  Amen.  21.  Ut  autem  sciatis.  Rumoribus  vel  dubiis  vel  falsis  plerumque  turbari  solent  non  modo  infirmi,  sed  etiam  graves  alioqui  et  constantes.  Hoc  periculum  antevertit  Paulus,  Tychicum  mittendo,  qui  de  omnibus  certiores  faceret  Ephesios.  In  quo  animadvertenda  est  pia  sollicitudo  quam  habebat  Paulus  de  ecclesiis.  Nam  quum  mors  illi  assidue  obversaretur  ante  oculos:  neque  metus  mortis,  neque  sui  cura  ipsum  impediebat  quominus  etiam  remotissimis  quibusque  consuleret.  Diceret  alius,  sibi  plus  satis  circa  se  esse  negotii:  potius  debere  omnes  ad  opem  sibi  ferendam  accurrere,  quam  a  se  vel  minimum  quidquam  levationis  exspectare.  Non  ita  Paulus:  sed  mittit  quaquaversum,  qui  ecclesias  a  se  fundatas  confirment.  Tychicum  laudat,  quo  plus  fidei  adhibeatur  eius  dictis.  Dubium  tamen  est,  quum  m  i  n  i  s  t  r  um  in  Domino  fidelem  eum  appellat,  de  publicone  ecclesiae  ministerio,  an  de  obsequiis  privatim  sibi  exhibitis  loquatur.  Dubi-