51:134  luise,  que  les  prestres  et  les  moines  viennent  la,  et  que  les  yeux  des  simples  en  soyent  esblouis.  Voila  donc  en  quoy  consiste  l'Eglise  de  Dieu  selon  les  Papistes:  c'est  a  dire  en  des  pompes  et  en  des  badinages  frivoles  et  inutiles.  Et  les  Sacremens,  quoy?  Il  faut  avoir  ceci  et  cela:  bref,  ils  ont  leurs  marques  qui  leurs  semblent  bien  bonnes:  mais  cependant  venons  a  l'Evangile.  Qu'est-ce  qu'on  trouvera-  la?  Toute  simplicite.  Dieu  n'a  point  voulu  que  ceux  qui  preschent  sa  Parole,  qui  administrent  ses  Sacremens,  soyent  desguisez,  qu'ils  facent  tant  de  fanfares.  Il  n'a  point  voulu  aussi  que  ses  Sacremens  fussent  polluez  par  les  inventions  humaines,  car  tout  cela  n'est  rien  selon  Dieu.  Retenons  bien  donc  la  definition  que  met  ici  sainct  Paul  de  la  vraye  Eglise,  a  fin  que  nous  ne  soyons  point  esbranlez  quand  on  nous  dira,  Comment?  Voila  des  choses  qui  sont  tant  belles,  ll  est  vray  selon  nostre  iugement  naturel:  car  selon  que  l'homme  est  charnel  et  terrestre,  tousiours  il  sera  plustost  enclin  a  suyvre  ce  qu'il  void  estre  de  beau  lustre  selon  son  sens:  mais  ce  n'est  pas  a  nous  de  iuger  du  service  de  Dieu,  il  nous  faut  tenir  a  ce  qu'il  a  prononce,  puisque  son  arrest  est  irrevocable,  c'est  que  nous  ayons  toute  nostre  sagesse  en  Iesus  Christ,  qui  sera  quand  nous  luy  obeirons,  et  rien  plus.  Et  au  reste  que  nous  cognoissions  que  maintenant  ii  ne  veut  plus  que  nous  soyons  attachez  a  ces  choses  externes  qu'il  a  ordonnees  du  temps  de  la  Loy  :  mais  que  Iesus  Christ  nous  contente  luy  seul,  et  la  perfection  qui  est  en  luy.  Or  la  dessus  nous  avons  aussi  a  noter  ce  qu'il  dit,  que  la  grace  de  Iesus  Christ  soit  avec  leur  esprit.  Car  il  monstre  que  le  monde  a  cause  de  son  ingratitude  ne  contemple  pas  les  biens  qui  luy  sont  presentez  en  Iesus  Christ.  L'Evangile  se  preschera  assez:  mais  cependant  nous  voyons  que  chacun  tousiours  s'en  retire  et  s'en  destourne,  comme  si  nous  avions  conspire  de  laisser  le  bon  chemin  de  salut  pour  nous  ietter  en  ruine  et  perdition.  Et  qui  est  cause  de  cela?  C'est  que  nous  avons  les  esprits  vuides,  et  que  le  diable  trouve  tousiours  entree  en  nous:  et  la  dessus  ii  nous  solicite,  il  nous  agite  et  nous  fait  voltiger  en  l'air.  En  somme  iusques  a  ce  que  la  grace  de  nostre  Seigneur  Iesus  soit  avec  nostre  esprit,  il  est  certain  que  nous  serons  tousiours  comme  roseaux  branslans,  qu'il  n'y  aura  ni  tenure  ni  arrest  en  nous.  Voila  donc  ou  il  nous  faut  venir,  c'est  que  non  seulement  Dieu  nous  eslargisse  de  ses  graces:  mais  que  nous  les  recevions  tellement  d'esprit  et  de  coeur,  qu'elles  ayent  la  leur  siege  et  leur  racine,  non  pas  pour  nous  retenir  ici  bas  en  la  terre:  mais  pour  eslever  nos  affections  et  tous  nos  sens  a  Dieu.  Or  d'autant  que  ceste  doctrine  ne  peut  estre  iamais  sans  contradiction,  sainct  Paul  despite  ici  9*