50:267  267  EPIST.  PAULI  AD  GALATAS  268  Israelem,  unum  larvatum,  qui  in  hominum  conspectu  appareat:  alterum,  Dei.  Circumcisio  larva  erat  coram  hominibus:  regeneratio  autem  veritas  coram  Deo.  Denique  eos  nunc  vocat  Israelem  Dei,  quos  prius  dixit  Abrahae  filios  per  fidem  :  atque  ita  fideles  complectitur,  qui  in  eandem  coaluerant  ecclesiam,  tam  ex  gentibus  quam  ex  Iudaeis.  Ex  opposito  solum  genua  et  nomen  iactat  Israel  carnis,  de  quo  disserit  ad  Rom.  9,  6.  17.  Nemo  facessat.  Hic  sibi  autoritatem  sumit  ad  coercendos  adversarios.  Nam  quasi  pro  iure  superioris  potestatis  hoc  pronuntiat  :  Desinant  me  impedire  in  cursu  meae  praedicationis.  Paratus  enim  erat  omnium  causa  subire  molestias  :  sed  non  vult  interpellari  contradictionibus.  Ergo  molestiam  exhibere  est  se  opponere  ad  turbandum  operis  progressum.  Dicit  in  r  e  l  i  q  u  i  s  :  nempe  praeter  novam  creaturam,  hoc  sensu  :  Mihi  unum  sufficit  :  reliqua  nihil  ad  rem  quum  pertineant,  mihi  curae  non  sunt.  Nemo  igitur  de  his  quaestionem  mihi  moveat.  Ac  se  extollit  supra  universos  mortales,  nemini  concedens  ut  suum  ministerium  impugnet.  Ad  verbum  est  reliqui  vel  residui:  quod  Erasmus,  meo  iudicio,  perperam  ad  tempus  transtulit.  Ego  enim  stigmata.  Ostendit  qua  fiducia  id