5:507  CONSILIUM  PAULI  III.  stitionibusque  repurgandis,  de  pacificandis  controversiis,  de  reformando  clero,  de  reducenda  ad  veram  unitatem  ecclesia  inanes  consultationes  ac  supervacui  conatus  :  haec  via,  hoc  compendium  est  omnia  ad  felicem  exitum  perducendi.  Quaecunque  urgeat  necessitas,  a  procuranda  religione  abstineant  principes.  Has  partes  capitali  totius  religionis  religiosorumque  omnium  hosti  resignent,  dum  modo  per  concilium  nunquam  futurum  vitia  ecclesiae  corrigenda  suscipiat.  Quid  igitur?  Num  ut  hac  molestia  soluti  quam  citissime  se  ad  turcicum  bellum  accingant?  id  enim  res  ac  tempus  videtur  flagitare.  Ne  festinent,  inquit  sanctus  pater,  annus  enim  praeteriret  antequam  exercitum  armare  possent.  Huc  potius  incumbant,  hoc  moliantur,  hoc  omni  cogitatione  ac  studio  persequantur,  ut  foedus  suum  augeant  ac  modis  omnibus  corroborent.  Quis  tandem  finis?  ut  ecclesia  ad  antichristi  libidinem  exposita,  prodita  Turcis  patria,  ipsi  devotis  et  animis  et  corporibus  in  sua  ipsorum  viscera  desaeviant.  Mox  hic  fructus  consequetur.  Quod  truculentissimus  ille  tyrannus  cum  scelerato  purpuratorum  grege  totaque  faece  satellitum,  multo  licentiosius  regnabit,  illam  inexplebilem  avaritiam  ac  rapacitatem,  illam  [fol.  50]  libidinum  intemperiem,  illam  in  omnes  pios  ac  probos,  gentesque  multas  innocentes  rabiem,  quae  nunc  quodammodo  inclusae  erumpere  toto  impetu  non  possunt,  velut  fractis  repagulis  sine  lege  et  modo  effundet.  Quod  romana  curia  confirmata  in  perpetuum  omnium  maleficiorum  impunitate,  in  mendaciis,  imposturis,  oifuciis  et  similibus  veteris  nequitiae  artibus  liberius  lasciviet.  Nefaria  illa  sedes  novis  fulturis  stabilita  Christum  sanctumque  eius  evangelium  proculcando,  impiis  ac  perniciosis  doctrinis  orbem  excaecando,  miseras  animas  in  ruinam  prae'cipitando,  ferocius  insolescet.  Quod  denique  romanenses  creaturae  cum  suo  capite,  ut  sunt  hostes  boni  et  recti  totiusque  honestatis  sonticae  pestes,  profligata  omni  verecundia,  grassari  securius,  ut  libuerit,  poterunt.  Cur  non  tam  praeclara  mercede  ad  locandas  romano  lanistae  suas  operas,  germanici  sanguinis  principes  adducerentur?  Neque  aliquid  horum  odiose  amplifico.  Quicunque  enim  expendere  volet,  quae  nunc  agit,  omnia  quae  dixi,  tunc  facturum  et  forte  plura  fatebitur.  Nec  dubito  quin  multos  omnium  ordinum  ex  iis  qui  alioqui  protestantibus  non  consentiunt  adfruc  habeat  nostra  Germania.  Qui  dum  haec  mala  imminere  provident,  melius  publicae  et  saluti  et  tranquillitati  consultam  cupiunt  et  fideli  studio,  quum  occasio  offeretur,  declarabunt.  Sed  sunt  etiam,  proh  dolor,  perfidiosi  quidam  et  impii  patriae  proditores,