5:460  L'une  partie  et  l'autre  a  failly  en  n'ayant  point  la  patience  de  s'entre  escouter,  a  fin  de  suivre  la  verite  sans  affection,  ou  elle  seroit  trouvee.  Neantmoins,  si  ne  debvons  nous  pas  laisser  de  penser  quel  est  nostre  debvoir.  C'est  de  n'oublier  les  graces  que  le  Seigneur  leur  [pag.  72]  a  faictes,  et  les  biens  qu'il  nous  a  distribuez  par  leurs  mains  et  par  leur  moyen.  Car  si  nous  ne  sommes  point  ingratz  et  mecongnoissans  de  ce  que  nous  leur  debvons,  nous  leur  pourrons  bien  pardonner  cela  et  d'avantage,  sans  les  blasmer  ne  diffamer.  Brief,  puis  que  nous  les  voyons  avoir  este  et  estre  encor  en  partie  de  vie  saincte  et  scavoir  excellent,  et  de  zele  singulier  a  edifier  TEsglise,  nous  en  debvons  tousiours  iuger  et  parler  avec  modestie  et  reverence.  Mesme  1)  puis  qu'il  a  pleu  en  la  fin  a  nostre  bon  Dieu,  apres  les  avoir  ainsi  humiliez,  de  mettre  fin  a  ceste  malheureuse  disceptation  ou  pour  le  moins  de  Pappaiser,  en  attendant  qu'elle  soit  du  tout  decidee.  Ie  dy  cela  pource  qu'il  n'y  a  point  encor  eu  de  formulaire  publie  ou  fust  arrestee  la  concorde,  comme  il  en  seroit  bien  mestier.  Mais  ce  sera  quand  il  plaira  a  Dieu  d'assembler  en  un  lieu  tous  ceux  qui  ont  a  le  composer.  Cependant  il  nous  doibt  suffire  qu'il  y  a  fraternite  et  communion  entre  les  [pag.  73]  Esglises,  et  que  tous  accordent,  entant  qu'il  est  necessaire  pour  convenir  ensemble,  selon  commandement  de  Dieu.  Nous  confessons  doncq  tous  d'une  bouche,  que  en  recevant  en  Foy  le  Sacrement,  selon  l'ordonnance  du  Seigneur,  nous  sommes  vrayment  iaictz  participans  de  la  propre  substance  du  corps  et  du  sang  de  Iesus  Christ.  Comment  cela  se  faict,  les  uns  le  peuvent  mieux  desduire  et  plus  clairement  exposer  que  les  autres.  Tant  y  a  que  d'une  part  il  nous  fault,  pour,  exclurre  toutes  phantasies  charnelles,  eslever  les  cueurs  en  hault  au  ciel,  ne  pensant  pas  que  le  Seigneur  Iesus  soit  abaisse  iusque  la,  de  estre  enclos  soubz  quelques  elemens  corruptibles.  D'aultre  part,  pour  ne  point  amoindrir  l'efficace  de  ce  sainct  mystere,  il  nous  fault  penser  que  cela  se  faict  par  la  vertu  secrete  et  miraculeuse  de  Dieu,  et  que  l'Esprit  de  Dieu  est  le  lien  de  ceste  participation,  pour  laquelle  cause  elle  est  appellee  spirituelle.  1)  Mesmement,  1566  ss.