5:310  nobis  foret,  Dominus  per  suum  praeconem  iampridem  promulgavit  :  sic  enim  apud  Zachariam  (  l  l  ,  17)  legimus:  O  pastor  inanis,  derelinquens  gregem!  gladius  super  brachium  eius  et  super  oculum  dextrum  eius:  brachium  eius  ariditate  siccabitur,  et  oculus  dexter  eius  obscurabitur.  Quanquam  hic  etiam  mirificum  artificem  Dominum  experiuntur  fideles,  qui  rem  hominum  iudicio  tam  acerbam,  paupertatem  dico,  suavem  illis,  verbi  sui  condimento,  gratiosamque  reddit.  Non  quod  asperitatem  prorsus  nullam  gustu  percipiant:  sed  quia  illa  condimenti  suavitate  temperatam  non  nimis  aegre,  quin  nec  sine  eximia  iucunditate  ferunt.  Quod  si  tamen  alterutrum  eligendum  tibi  sit,  ut  vel  calamitosam  probitatem  secteris,  vel  calamitatem  nequitia  effugias  :  cur  non  sanctam  ac  dignam  vocatione  tua  vitam  potius  in  miseriis  agas,  meliori  exspectatione  fretus,  quam  momentaneam  nescio  quam  mollitiem  Dei  indignatione  et  aeternae  mortis  ultione  redimas?  Ita  est  sane:  si  ad  illam  populo  Dei  promissam  haereditatem  serio  adspiras,  Mosen  te  viae  ducem  sequi  oportet:  qui  eiurato  Pharaonis  genere,  satius  sibi  esse  cum  Dei  populo  affligi  duxit,  quam  temporariam  habere  peccati  fruitionem:  pluris  Christi  opprobrium  quam  omnes  Aegyptiorum  [pag.  78]  divitias  aestimans  (Hebr.  l  l  ,  25).  Nam  ut  ille  simul  et  nepos  vocari  Pharaonis,  et  inter  Abrahae  filios  censeri  non  potuit,  nec  Dei  benedictionem  una  cum  Aegyptiis  opibus  possidere,  ita  vanissima  spe  te  ipsum  lactas,  si  locum  tibi  in  Dei  populo  esse  confidis,  dum  in  Antichristi  castris  meres:  si  et  coeleste  regnum  cum  Dei  filio,  et  cum  scelestis  latronibus  furta  ac  rapinas  participare  te  simul  posse  speras.  Quare  nec  illa  solenni  vobis  deprecatione  magnopere  moveor,  nisi  multa  humanae  imbecillitatis  vitia,  qualia  scilicet  in  piorum  carne  semper  resident,  toleramus  (ut  in  hominibus  nihil  est  perfectum),  nos  Christianum  neminem  posthac  relicturos.  Quin  neque  penes  nos  mansurum  Christianorum  nomen,  nisi  cum  venia  vita  nostra  expendatur.  Hoc  autem  vestrum  delictum,  si  quod  nominari  aliud  potest,  eiusmodi  esse  cui  merito  sit  ignoscendum.  Nostram  illam  communem  omnium  imbecillitatem  scimus  sane,  et  hanc  veniam  petimusque  damusque  vicissim  :  ne  propterea  quod  interdum  titubamus  ac  labimur  (quod  perfectissimo  cuique  saepius  quam  optandum  fuerit  accidit),  Christiani  tamen  inter  nos  haberi  desinamus.  Sed  non  alia  lege,  nisi  qui  sic  claudicat,  vacillat  ac  decidit,  viam  nihilominus  Domini  sequatur  :  neque  vero  claudicatione  sic  impediatur,  quin  enitatur  contra,  incedendique  difficultatem  eluctari  strenue  contendat:  utcunque  vacillando  trepidet,  nunquam  deficiat  animo:  collapsus,  etiam  in  pedes  se  recipiat:  nulla  denique  remora  sic  tardetur,  quin  intentis  in  Dei  regnum  oculis  coeptum  iter  persequatur.  Eos,  inquam,  cum  suis  delictis  et  lapsibus  fraterna  benignitate  com-  20*