5:162  Parcit  enim  sapiens']  Haec  omnia  eo  spectant,  ut  ostendat  sapientem  clementiae  suae  causam  posse  reddere.  Non  sub  formula  iudicas]  Id  est  ad  praescriptum  summi  iuris,  quemadmodum  iudices,  qui  ex  legum  praescripto  pronunciant.  Marcel,  tit.  de  poenis,  lib.  XLVIII,  ff.  :  Hespiciendum  est  iudicanti  ne  quid  aut  durius  aut  remissius  constituatur,  quam  causa  deposcit.  Nec  enim  aut  severitatis  aut  clementiae  gloria  affectanda  est,  sed  perpenso  iudicio,  prout  quaeque  res  expostulat,  statuendum  est.  Quintilianus  libro  V.  :  Deprecatio  rara  admodum,  et  apud  eos  solos  iudices,  qui  nulla  certa  forma  pronunciandi  tenentur.  Quanti  vult  aestimare  litem]  Aestimare  enim  litem,  non  solum  est  concipere  conclusiones  ad  damna  et  interesse,  ut  loquuntur  Pragmatici,  sed  etiam  criminaliter  intendere  :  qua  ratione  dixit  Cicero  in  oratione  pro  Cluentio,  aestimare  litem  capitis.  Dicitur  autem  tam  ipse  iudex  quam  actor  litem  aestimare.  Plutarchus  dicit  Ciceronem  accusatorem  in  causa  Verris  litem  aestimasse  septingentis  quinquaginta  millibus  sestertiis.  Gellius  libro  XX.:  Aestimata  lite  iudex  hominem  pecuniae  damnabat.  Clementia  ergo  aestimat  litem  quanti  vult:  quia  eius  sententia  non  debet  limitari  ad  actionis  formulam.  FINIS.  Calvini  opera.  Vol  V.  n