48:624  Dieu  ou  a  l'duir,  ceci  nous  vient  au  devant,  que  les  hommes  n'ont  point  forge  ce  qui  est  contenu  au  vieil  et  au  nouveau  Testament,  mais  que  Dieu  par  signe  visible  a  testifie,  entant  que  besoin  estoit,  que  les  hommes  estoyent  organes  tant  seulement  de  son  sainct  Esprit.  Quant  a  Moyse  et  a  tous  les  Prophetes  ils  ont  eu  approbation  d'estre  envoyez  de  Dieu:  tellement  que  si  leur  doctrine  nous  est  douteuse,  cela  nous  doit  estre  impute,  et  a,  nostre  ingratitude  et  malice.  Or  maintenant  il  nous  est  dit  que,  devant  que  les  Apostres  ayent  publie  l'Evangile  par  tout  le  monde,  Dieu  a  fait  descendre  son  sainct  Esprit  sur  eux,  afin  que  nous  scachions  qu'ils  n'ont  rien  mis  en  avant  de  leur  propre,  mais  qu'ils  ont  fidelement  dispense  ce  qui  leur  estoit  commande  de  Dieu.  Nous  voyons  donc  de  quoy  ceste  histoire  presente  nous  doit  servir:  car  si  nous  n'estions  asseurez  que  les  Apostres  ont  este  comme  nouvelles  creatures,  et  que  Dieu  leur  avoit  donne  une  certaine  marque  pour  monstrer  qu'ils  estoyent  avouez  et  authorisez  de  luy,  qui  seroit-ce  de  nostre  foy?  Il  n'y  auroit  qu'une  opinion  volage.  Nous  dirions  assez,  Ie  le  pense,  il  me  le  semble,  mais  que  nous  eussions  cela  du  tout  arreste  pour  avoir  une  droite  fermete  et  constance,  il  seroit  impossible.  Car  qu'est-ce  que  de  rhomme?  Puis  qu'il  n'y  a  que  vanite  yci  bas,  il  faut  bien  que  nous  iettions  nostre  anchre  iusques  au  ciel:  comme  aussi  l'Apostre  en  parle  en  l'Epistre  aux  Hebrieux.  Et  voyla  comme  nous  pourrons  soustenir  tous  les  tourbillons  et  tempestes,  et  le  monde  et  le  diable  ne  pourront  rien  gagner  sur  nous  quoy  qu'ils  machinent:  mais  nostre  foy  sera  tousiours  ferme,  et  ne  flechira  point  quand  nous  aurons  ce  principe  bien  resolu,  que  Dieu  est  celuy  qui  nous  conduit,  qui  nous  appelle  a  soy,  et  que  la