[SEARCH HOME] | [CONTENTS] | [기독교강요 라틴어-영어 문장별 대조본] | [원문칼빈전집안드로이드앱]

IOANNIS CALVINI OPERA QUAE SUPERSUNT OMNIA
volume column dictionary *for dictionary, click or touch the word
[Pre] [Next] [Original Text Jpg]


48:1  1  CAPUT  I.  1.  Priorem  quidem  sermonem  habuimus,  o  Theophile,  de  omnibus  quae  coepit  Iesus  facere  et  docere  2.  ad  eum  usque  diem,  quo  postquam,  mandata  per  spiritum  sanctum  dedisset  apostolis,  quos  elegerat,  sursum  assumptus  est.  1.  Ut  sibi  ad  ea,  quae  Christi  adscensum  sequuta  sunt,  transitum  faciat,  summam  eorum,  quae  priore  libro  tractaverat,  colligit,  ut  hunc  cum  illo  contexat.  Haec  autem  brevis  evangelicae  historiae  descriptio  ab  eo  ponitur,  quod  sit  eorum  narratio,  quae  fecit  ac  dixit  Christus,  quamdiu  in  terra  versatus  est.  Porro,  quod  communiter  interpretantur,  vitae  sanctimoniam  praecessisse  in  Christo,  sequutas  deinde  docendi  partes,  hoc  nihil  ad  mentem  Lucae.  Verum  quidem  est,  sic  compositos  debere  esse  boni  et  probi  doctoris  mores,  ut  vita  prius  loquatur  quam  lingua:  ajioqui,  nihil  a  theatrico  actore  differret:  at  Lucas  potius  ad  illud  respexit,  quod  circa  historiae  evangelicae  finem  dixerat:  Christum  prophetam  fuisse  opere  et  sermone  potentem:  hoc  est,  qui  factis  non  minus  quam  verbis  excelleret.  Quanquam  inter  hunc  locum  et  illum  paulum  est  discriminis.  Operum  enim  potentia,  quae  illic  laudatur,  ad  miracula  spectat:  hoc  vero  facere,  latius  patet,  meo  iudicio:  nempe,  ut  omnia  comprehendat  insignia  eius  facta,  quae  propria  erant  eius  ministerii:  in  quibus  mors  et  resurrectio  primas  tenent.  Officium  enim  Messiae  non  sola  doctrina  constabat:  sed  pacificatorem  esse  oportebat  inter  Deum  et  homines,  populi  redemptorem,  regni  instauratorem,  autorem  aeternae  felicitatis.  Haec,  inquam,  omnia,  ut  de  Messia  promissa  erant,  sic  ab  ipso  exspectabantur.  Nunc  videmus  evangelii  summam  duabus  his  partibus  contineri,  doctrina  Christi  et  factis:  quatenus  non  tantum  legationem  a  patre  sibi  mandatam  pertulit  ad  homines:  sed  re  ipsa  praestitit  quaecunque  a  Messia  requiri  poterant.  Regnum  suum  auspicatus  est,  sacrificio  suo  Deum  placavit,  sanguine  proprio  expiavit  hominum  peccata,  diabolum  mortemque  subegit,  restituit  nos  in  veram  libertatem,  iustitiam  nobis  vitamque  acquisivit.  Atque  ut  ratum  esset  quidquid  gessit  ac  dixit,  miraculis  se  comprobavit  Dei  filium.  Ita  hoc  facere  ad  miracula  quoque  Calvini  opera.  Vol.  XLVIII.   

[Pre] [Next]


Copyright ⓒ 2018 In Hyuk Lee. All rights reserved. http://blog.naver.com/isaaci